"Mukhang napabilib mo si Quan. Pero hindi na ako dapat magtaka dahil alam ko na magaling kang artista," mahina ngunit puno ng insultong turan ko.
Napawing bigla ang pag-asam na nakaguhit sa mga mata ni Delta. Itinulak niya ako ngunit lalo kong hinigpitan ang pagkakakapit sa kanya. Muling tumugtog ang banda. Wala siyang nagawa kundi sumunod sa akin nang itinuloy ko ang pagsasayaw.
"Arte lang ba sa 'yo ang lahat ng ipinapakita ko? Ano pa ba ang kulang para bigyan mo ako ng pagkakataon na ipaliwanag ang panig ko?"
"At ano ang sasabihin mo? Na hindi totoo na umuwi ka sa Pilipinas para paghigantihan ako sa inaakala mong pagkakamali ko sa 'yo?"
"Hindi ko ipinagkakaila iyon!"
"Umamin ka rin."
"Pero-"
"Pero ano?" Tinitigan ko siya nang mabuti. "Nagbago ang isip mo dahil mas malaki ang pak
