Masakit pa rin ang panga ko dahil sa pagkakasuntok kahapon. Buti na lang ay hindi napuruhan ito. Unti-unti kong ibinuka ang aking bibig at muling isinara. Pagkatapos ay dahan-dahan ko itong ginalaw papunta sa kanan at sa kaliwa. Tuwing kumikirot ito ay naaalala ko ang mga nangyari. Nagiging sanhi ito upang muling bumagon ang galit sa dibdib ko.
Mabilis na pinaharurot ko ang aking sasakyan matapos ang mainitang enkwentro namin ni Brian. Dala ng silakbo ng damdamin ay hindi ko na naisip na maaari akong magdala ng peligro sa daan. Muntik na akong makasagasa ng isang matandang lalaki nang bigla itong sumulpot sa harap ng humahagibis kong SUV. Maliksing nailagan ko ito. Itinabi ko na muna ang minamaneho ko para pakalmahin ang aking sarili. Ilang minuto rin ang ginugol ko upang manumbalik ang n
