Break time na namin ngayon kaya nandito kaming apat sa may canteen at kumakain.
"Anong nangyari sa office?" tanong ni Ethan kay Elle. Ngayon lang namin naitanong sa kaniya dahil hindi namin siya makausap dahil galit pa rin si Sir pagkabalik nila.
"Wala naman, nilagay lang sa record 'yung nangyari at pinapirma ako, gusto rin makausap ang mga magulang ko bukas," sabi ni Elle habang kumakain ng champorado. Binigyan naman siya ni Ethan ng zesto, binigyan niya rin kami ni Lira.
Isinama namin si Lira ngayon upang pakalmahin siya.
"Okay ka lang?" tanong ni Elle kay Lira.
"H-ha?" tanong ni Lira. Hindi siya makatingin nang maayos kay Elle dahil siguro sa nangyari.
"Sabi ko kung okay ka lang ba, kumalma ka na ba?" tanong muli ni Elle.
"O-oo naman, salamat nga pala," ani Lira.
"Kung kumalma
