Pagpasok namin sa loob ng presinto ay naabutan namin ang isang matandang babae na nakaluhod at nakayuko sa harap ng isa pang babae habang umiiyak.
"Parang awa niyo na po, hindi po magagawa iyon ng anak ko pakawalan niyo po siya!" nagmamakaawang sabi ng matandang babae sa harap ng isa pang babae habang nakaluhod at umiiyak.
Yung matandang babae ata na nagmamakaawa ay ang Nanay ni kuya Edmon at 'yung babae namang umiiyak habang nakatingin lang sa Nanay ni kuya Edmon, siya naman ang Nanay ni Myra.
"Hindi, hindi ako papayag na hindi maparusahan ang lalaking iyan, ilang taon bago namin nahanap ang katawan ni Myra at gusto niyong patawarin ko iyang anak mo sa ginawa niya?! Ina ka rin at alam kong alam mo na ganito rin ang mararamdaman mo kung sakaling 'yung anak mo ang magahasa at saka lang m
