Nandito pa rin ako sa tapat ng dagat at mag-uumaga na. Iniisip ko pa rin ang ginawa nila Inang Malaya sa'kin kung saan ay gumawa sila ng inosenteng bata sa sinapupunan ko sa pamamagitan ng engkantasyon. At ngayon na wala na ang kwintas ay wala na rin ang sanggol na nilikha nila.
Alam kong engkantasyon lang iyon ngunit totoong sanggol ang nagawa nila dahil galing iyon sa dugo at laman ko pati na rin sa kapiranggot na kaluluwa ni Ethan.
Inayos ko kanina ang paligid katulad na lamang ng nagtumbahang mga puno, pati na rin ang sirang bahay nila Ethan ay inayos ko na rin gamit ang kapangyarihan ko pati na rin ang lupa na nasa ilalim ng dagat na nahati kaya parang walang nangyaring kalamidad sa lugar na ito.
"Stella!" rinig kong sigaw ng kung sino. Napalingon ako at nakita ang Tita ni Ethan na
