Maaga pa nang magising ako kaya kaagad akong naghanda dahil baka puntahan ako ni Ethan dito sa bahay at magkagulo pa.
Habang nagsasaing at nagluluto ng ulam ay iniisip ko ang napaginipan ko. Hindi ko alam kung panaginip ba iyon o vision.
Pagkatapos kumain at mag-ayos ng sarili ay kaagad akong umalis. Hindi na ako nagpaalam kay Mama dahil baka mainit pa ang ulo niya.
Sabado ngayon kaya may pasok ako sa coffee shop at nakaugalian nang puntahan ako rito ni Ethan sa bahay kaya inagahan ko na para sa eskinita ako maghihintay sa kaniya at hindi na siya pumunta sa bahay. Nang makarating ako sa eskinita ay naghintay ako ng ilang minuto dahil maaga pa.
Maya-maya ay nakita ko na si Ethan. Nakita niya rin ako kaya lumapit ako sa kaniya.
"Tara na," wika ko at nilagpasan siya pero hinawakan niya a
