"In my office, now!" bulyaw ulit ng taong nasa likuran nila ni Evo.
Kaya naman napilitan na siyang lingunin ito.
Kung nakakamatay lang ang mga titig nito malamang kanina pa sila pinaglamayan ni Evo.
Nakita naman niyang masama na rin ang tingin dito ng bestfriend niya.
Na para bang nagsusukatan ang dalawa sa pamamagitan ng titig.
Akala mo na-love at first sight ang dalawa dahil wala ni isa man sa mga ito ang kumukurap.
Si Villaflor ang unang sumuko mula sa pagtitig kay Evo.
Weak! Hindi talaga ito mananalo sa bestfriend niya.
Mayamaya pa ay siya naman ang binalingan nito.
Lumapit ito sa kanya at bigla na lang siyang hinatak nito kaya halos masubsob na siya sa dibdib nito.
Ayos lang kung sa dibdib nito siya masubsob huwag lang sa semento dahil kung hindi, talagang mapipilitan si
