"Sige na, Ethan, pumayag ka na. Ang arte mo naman." Hatinggabi na pero kinukulit n'ya pa rin si Ethan.
Ayaw talaga kasi nitong pumayag. Naiinis na talaga s'ya dahil kanina pa s'ya nakaupo at nakikiusap dito.
'Yong tumbong n'ya kanina pa umuusok dahil sa sobrang inis pero pinipigilan n'yang sumabog dahil baka manginig na naman ito sa takot.
Naisip n'ya kasi na mas mapapadali ang lahat kapag magkasama sila palagi.
Hindi na n'ya ito kailangan pang sundan saan man ito magpunta.
Mapapadali ang paglaya n'ya at ang pinapangarap n'yang bakasyon.
Kanina pa nakauwi ang dalawa nitong kaibigan dahil nga may mga trabaho pa ito kinabukasan.
Samantalang s'ya nananatiling matatag dahil hindi talaga s'ya uuwi hanggat hindi n'ya napapayag si Ethan.
Ayaw naman n'ya itong gamitan ng dahas dahil na
