HINDI MAPIGILANG hindi malungkot ni Nicole sa tuwing na naiisip niya na nag-asawa na ang kanyang pinsan. Sabay rin silang lumaki ni Eunice. Akala niya nga ay mauuna pa siyang magkaasawa rito dahil nakailang nobyo na rin siya pero ang siste, naunahan pa siya nito. Ewan niya ba at walang lalaki ang tumatagal sa kanyang buhay. Pakiramdam niya ay ang malas-malas niya pagdating sa mga lalaki pero ito na naman siya, mukhang tinamaan siya ng sobra kay Alfonso. Wala ng ibang iniisip ang kanyang puso kundi ang lalaki. Pakiramdam niya tuloy ay hindi niya na kaya pang mabuhay na wala ito.
“Ang lalim naman non,” untag ni Alfonso sa kanya dahil sa lalim ng kanyang buntong-hininga. Nasa tindahan siya ng mga oras na iyon. Siya na ngayon ang nagma-manage sa isang bakery ni Eunice. Hindi na rin kasi iyon
