Chapter 24:Never
"Stay with me, love," he whispered.
Kumunot ang noo ko, pilit hinihila patayo si Trystan para makauwi na kaming dalawa. Mukhang langong-lango na nga ang isip niya sa alak dahil wala na siya sa katinuan, kung ano-ano na ang sinasabi. May masasabi lang siyang matino kapag bigla ko siyang nagigising, papikit-pikit na kasi siya, mukhang inaantok na.
Kaya nga kailangan na naming makauwi para makatulog na siya dahil sa pagkakaalam ko ay may pasok pa siya bukas, may pasok pa rin ako bukas kaya kailangang makatulog na kami nang maaga para hindi kami ma-late. Tsaka halata rin namang inaantok na siya, kahit ako ay antok na rin dahil patulog na talaga kami ni Tate kanina bago pa siya tumawag.
Marami pa akong kukunin sa bahay ni Tate dahil naroon pa ang mga gamit ko, ang dami ko k
