حواديت

الجزء الثاني

ضحك

-يقطعنى

وبعدها قرب شالنى وهو بيهمسلى

-مب**ك عليا انتى

فوقت على صوت ياسمين

-واقفة عندك ليه يا جميلة

اتن*دت ودخلت في تراب كتير ف الشقة اديقت على منظرها وتلقائيا عيطت وقعدت مكانى

ياسمين قربت حضنتنى..كنت محتاجة اتحضن محتاجة حد يحاوطنى بدرعاته

اتكلمت بعياط

-البيت اللى بنينا فيه كل حاجة سوا اللى شكرنا ربنا كل ليلة انه جمعنا فيه بقيت دى اخرتوا اتغطى بالتراب واتغطى قلبي معاه شكله صعبان عليا اوى

حسيتها بتعيط

-طيب خلاص متعيطيش هنروقه سوا ويرجع حلو تانى

ابتسمت وضميتها باايدى

-لو مش هعرف اشيل التراب الى على قلبي على الاقل اشيل التراب اللى على بيتنا

ابتدينا نروقه سوا ياسمين كانت بتروق بمجهود واحدة كبيرة كانها مستعدة تعمل اى حاجه عشان تشوفنى مبسوطة اه ربنا مرزقنيش بطفل بس انا بعتبر ياسمين بنتى

بصتلى

-جميلة هو لية الفازة دى ات**رت

بصيت للفازة بحزن وانا بفتكر اليوم اللى انتهت معاه كل حاجة

-عا** اتاخر اوى

هشام بصلى

-جميلة يمكن لسه مخلصش العملية الى عنده

الخوف ابتدى يحاوطنى

-الساعة ١ وهو قالى ان عنده عملية الساعة١٠ انا قلبي مش مطمن

حاول يهدينى

-جميلة اهد..

قاطعه رن الجرس

بصلى وهو بيضحك

-اهو جيه اهو

راح يفتح وانا خوفي زاد وانا بفتكر

-عا** معاه مفتاح..

هشام فتح شاف واحد انا عرفاه شوفته مرة مع عا**

بصلى ورجع بص ف الارض تانى

جريت عليه وانا بنهج

-عا** فين

عنيه اتملت دموع

-قبل ما نبدأ العمليه قالى لو حصله حاجة اجى اقولك انه اسف انه مقدرش ينفذ وعده

الزمن وقف مسمعتش باقي كلامه سيبته ودخلت وانا ماشيه تايهة روحى بتتسحب فاكره كل لحظة مرت علينا فاكره يوم ماجيه يتقدملى

-القرار ف ايدك يا جميلة هتقبلى تعيشي مع واحد حياته على كف عفريت فكرى كويس

رديت عليه بابتسامة

-لو باقي في عمرى او عمرك يوم انا عاوزا اعيشه معاك

خبطت ف السفرة الفازة اللى عليها وقعت وانا وقعت و وقع قلبي معايا عالارض وانا بعيط عياطى اتحول ل صريخ و صريخى اتحول لضلمه بتحاوطنى من كل ناحيه

مسحت الدمعة اللى فرت من عينى

-متقربيش منها عشان متتعوريش هلمها انا

-وانتى حاسبي تتعورى

ابتسمت بسخرية وابتديت الم الازاز المت**ر

البيت رجع زى الاول شكله حلو مترتب و نضيف بس لسه بارد لسه مفيهوش روح قعدت على الانتريه وانا ببصله بحزن

ياسمين قعدت جنبي

-عارفة

رديت من غير ماابصلها

-امم

ردت بصوت حزين

-انا كمان ابيه عا** وحشنى

بصتلها بابتسامة متغلفة بدموع

كملت وهى بتمسح دموعها

-ولما بيوحشنى بطلع اللعب واسكتش الرسم اللى جابهوملى وبدعيله هو الوحيد اللى كان بيلعب معايا باللعب بتاعتى لما كنت بجيلك ولما كان بيجيلنا وهشام مش موجود ودلوقتى مبقاش في حد بيلعب معايا عشان كدا وحشنى

حضنتها وبعدين بصتلها

-تعرفي ان هو كان جايب اسكتش رسم كان ناوى يديهولك لما يروحلك

ابتسمت

-بجد

هزيت راسي

-اه اى رائيك اجيبه وتورينى بترسمى ازاى

ابتسمت بفرحة

-اه اه يلا

ابتسمت و قومت جيبته و***بنا سوا قدرت تخ*فنى من الفراغ اللى ف حياتى حتى لو دقايق

بعد ما خلصنا لعب دخلنا ننام

بصتلى

-جميلة هو انتى زعلانة ولا فرحانة

استغربت

-يعنى اى

اتعدلت وبصتلى

-انتى ساعات بتقولى انك مبسوطة وساعات تانية بتبقي بتعيطى جامد واللى بيعيط بيبقي زعلان هو انتى مجنونة!

ضحكت جامد على كلمتها وبعدين بصتلها بتنهيدة

-انا زعلانة ومبسوطة وخايفة ومطمنة وبردانة

كانت بتبصلى بزهول كلامى كبير عليها واكيد طفلة عندها ست سنين مش هتفهموا

ضحكت وكملت وانا بشدها لحضنى

-وعاوزا انام

باست خدى بعدين حضنتنى

-تصبحى على خير يا جميلة

اتن*دت

-يارب يا ياسمين يارب

******************

كنا قاعدين نفطر وكل واحد سرحان كلنا تقريبا كنا سرحانين ف نفس الحاجة..جميلة الوردة اللى دبلت ومش عارفين نخليها تفتح تانى

ماما اتكلمت وهى باصه قدامها

-انا عذراها..كلنا عارفين عا** بالنسبالها كان اى عاشوا كل لحظة سوا من يوم ماجيه القاهرة وخد الشقة الى قدمنا واتعرفوا على بعض وهما صحاب من يوم ما عرفت انه وحيد وجيه من بلده عشان يشتغل هنا وهى اعتبرت نفسها فرد من عيلته وهو شافها كل عيلته يوم تخرجها كان اول واحد ف الصفوف وكان فرحانلها من قلبه..يوم مااعترفلها بحبه اللى مت**فتش تيجى وتشاركنا فرحتها..بصتلنا وكملت:ازاى عاوزينها تنسا كل ده ازاى عاوزينها تعيش من بعده حياه طبيعية

-كان معاها حق كان معاها حق ف كل حاجة سمعت كتير عن قصص الحب الاسطورية بس بالنسبالى قصة جميلة وعا** مختلفة

قاطع تفكيرى صوت التليفون كان رقم جميلة

رديت بابتسامه

-الو يا جميل..

قاطعنى صوت عياط سحب منى روحى

-الحقنى يا هشام جميلة وقعت على الارض ومش بترد عليا وانا خايفة

دمعة نزلت منى محستش بنفسي غير وانا بجرى على السلم من غير ماابصلهم بيتها بعدينا بشارع

خبطت الباب بفزع

-ياسمين افتحى بسرعة

فتحت وهى بتعيط

-جميلة يا هشام

طلعت اجرى عليها وشها شاحب كأن الدم اتسحب منه شيلتها وانا بجرى بيها على السلم وياسمين ورايا خدنا تا**ي و روحنا المستشفي

نقلوها العناية المركزة وانا وياسمين فضلنا برا بابا رن عليا قولتله

بصيت ل ياسمين اللى قاعدة على الارض بتعيط

بصتلى بعياط

-انا مخدتش بالى منها يا هشام صح

حضنتها وانا بطبطب على راسها

-ادعيلها يا حبيبتى

بابا وماما جم وبعدها بشوية الدكتور خرج

ماما جريت عليه وهى بتعيط

-بنتى يا دكتور

اتن*د وبصلنا

-فين الادوية اللى كانت بتخدها

استغربت

-ادوية اى يادكتور

بصلنا

-هو انتو متعرفوش انها عندها خلل ف وظائف القلب

ماما شهقت بخوف..بابا قعد على الكرسي مبقاش قادر يقف ياسمين فهمت ان دى حاجة خطيرة وعيطت

بصتله بضعف

-بس بس يا دكتور يعنى الخلل ده مش حاجة جامدة ممكن تتعالج

بصلى

-تتعالج لو بقالها اسبوع شهر بس الظاهر انها كانت بتعانى من فترة كبيرة ومقلتلكوش والخلل ده ادى لضعف عضلة من عضلات القلب

بابا بصله بترجى

-ارجوك انقذلى بنتى ارجوك

بص ل بابا بأسف

-صدقنى انا عملت كل اللى اقدر عليه بس جسمها مش بيستجيب ادعولها

ماما عياطها زاد

-عاوزا اشوفها

-هى صاحية حالياً تقدروا تدخلولها بس بلاش تتعبوها

كلنا دخلنا كانت بتعيط..وشها خاسس وشاحب،جسمها ضعف بشكل مرعب كنت مفكر انه من الزعل اتاريها بتعانى ومقالتش لحد

ماما قربت منها

-متعيطيش يانن عينى هتبقي زى الفل

ابتسمت من وسط دموعها

-انا مش خايفه يا ماما بالع** ده انا حاسة ان امنيتى بتتحقق انا بس بعيط من الرهبة

ياسمين جريت حضنتها

-جميلة يلا قومى عشان نروح

بصتلها بابتسامة

-فاكرة لما قولتلك انى مش همشي غير لما عا** يجى ياخدنى

ماما عياطها زاد وياسمين زعقت وهى بتحضنها جامد

-لا مش هياخدك والا خدونى معاكوا انا بحبكوا وعايزا ابقي معاكوا

ابتسمت ومسحت دموعها

-انا معاكى ديما يا ياسمين

حطت اديها على وشها وعيطت

-ازاى وانتى عاوزا تمشي وتسيبينى

اتن*دت وشيلت اديها من على وشها مسحتلها دموعها

-لما تكبرى هتعرفي ان القرب مش شرط يكون الاتنين قدام بعض انا معاكى بقلبي

بصتلى وابتسمت

-انا لسه مموتش على المناحة اللى انتو عملينها اى الافورة دى يا جماعة

قربت بوست راسها

-هتختاريه يا جميلة برضو

ابتسمت

-ده تؤام روحى يا هشام

*********************

-واقفة لوحدك هنا ليه

ابتسمت ولفيتله

-عادى حبيت اشوف الشروق على البحر

ابتسم

-الشروق ف عنيكى احلى

ضحكت

-انت بقيت سوما العاشق اوى يا عا**

ضحك

-لو شموا خبر ف الدخلية هيحاكمونى

ضحكت ولفيت وانا ببص للبحر تانى وميلت على كتفه

-هنفضل سوا يا عا**؟

اتن*د ورد عليا

-للابد يا جميلة للابد..

*************************

-ياسمينا سرحانة ف اى

ابتسمت وبصتله

-انهاردا عيد ميلاد جميلة

ابتسم

-هى تلاقيها بتحتفل بيه معاه دلوقتى

ضحكت

-براعم الالحاد

ابتسملى

-وحشتك

اتن*دت وانا ببتسم

-هى معايا يا سليم..معايا بقلبها

"للأبد..؟ للأبد♥️"

(((((( وان عاد بي الزمن)))

-انتى طالق

كلمة كانت شبه ان اتكب عليا جردل مياة بارد في الشتا قالها ومشي قالها من غير ماحتى يشوف رد فعلى كل ده عشان بغير عليه كل ده عشان بتعصب شوية طيب ماهو بيتعصب كتير

قعدت على الارض وانا مش مستوعبة اللى اتقال مش مستوعبة ان اللى قال كدة زياد معقول بطل يحبنى كرهنى خلاص ضميت رجلى عند ص*رى وعيطت عيطت على خسارتى لااكتر انسان حبيته عيطت على الموقف اللى انا فيه عيطت على سعادتى اللى ادمرت

-ليييه يا زياد ليييه منا قولتها كتير اشمعنا دلوقتى نفذتها صوتى ابتدى يهدى:انا مقدرش اعيش من غيرك

الضلمة ابتدت تحاوطنى راسي بتلف وعينى بتقفل ومعدتش حاسة ب حاجة تانى

""""""""""""""""""" "

صحيت لقيت نفسي ف الاوضة وهو قاعد جمبي وعنيه مدمعة

-قومت قعدت:انت...انا كنت بحلم صح قولى انه كان كابوس

-باس ايدى بحزن:انا اسف

-عينى دمعت:يعنى انت طلقتنى بجد

-ورد انتى اللى عصبتينى

-حاولت اتماسك ومضعفش:اا اه صح انا اسفة همشي حالا

-مش هتمشي يا ورد

-كنت بعافر عشان دموعى متنزلش:ل لا ماهو انا لازم امشي مينفعش افضل هنا

-مش هينفع تمشي عشان انا مقدرش اعيش من غيرك

-عيطت وعياطى اتحول لصريخ:قدرت...قدرت تطلقنى قدرت تنهى كل حاجة بكلمة يبقي خلاص كل واحد يستحمل نتيجة تصرفاته محدش هينرفزك تانى محدش هيخنقك بتصرفاته بعد النهاردة...مب**ك بقيت حر

-زعق:انتى ليه محملانى انا الذنب هو مين اللى بدأ مين اللى م**م يبوظ حياتنا انتى مبتغيريش عليا انتى بتشكى فيا ده انا عمرى ما مسكت تليفونك دورت فيه عشان انتى عارفة انى بثق فيكى ثقة عمياء...انتى بقي بتعملى اى شكاكة وعصبية انتى فاكرة ان دى غيرة لما حياتنا تبقي كلها خناقة تبقي كدا بتغيرى بصي وصلتينا ل اى يا ورد وصلتى اتنين الدنيا كلها عارفة بيحبوا بعض قد اى انهم يطلقوا

-انا متخيلتش انك شايفنى وحشة اوى كدا يا زياد

-مسك وشي:انتى عارفة انى عمرى ماشوفتك وحشة وانك اغلى حد ف حياتى ممكن نبدا حياتنا من جديد سوا

-شيلت ايده:مش ممكن يا زياد مش ممكن انت طلقتنى واللى حصل حصل

-بس انا رديتك

-اتعصبت:وانا مش لعبة عشان ترميها وقت ماتحب وترجعلها وقت ماتحب

دخلت الحمام وقفلت عليا وفضلت اعيط واكتم صوت عياطى عشان ميسمعنيش مش انا اللى اضعف حتى لو بحبه بعد شوية خرجت من البيت بس ذكرياتنا وكل لحظة حلوة فضلت هناك

--------------------- "

بالعافية ض*بت الجرس حاسة انى اعصابي كلها متفككة انا حتى مش قادرة اقف على رجلى

-ورد في اى

-حاولت اتماسك:ممكن ادخل يا ماما

-اى حصل يا ورد

-دموعى نزلت:مش قادرة اتكلم ولله معنديش طاقة احكى حتى انا عاوزا انام

-يبنتى طاب فهمينى

-ولله هحكيلك كل حاجة لما اصحى مش قادرة اتكلم حقيقي

-اتن*دت:طيب تعالى نيرة ف الاوضة ادخلي

-مشيت لحد الاوضة وفتحت الباب ودخلت

-نيرة بفرحة:ورد جيتى امتى

-رديت عليها بصوت ضعيف:لسه دلوقتى

-مالك!

-عاوزا انام

-وقفت جمبي وحطت اديها على كتفي:اتخانقتى انتى وزياد

-حضنتها وفضلت اعيط كنت حاسة انى تايهة كنت حاسة انى لوحدى وكنت محتاجة حضن يحسسنى بالونس مكنتش سامعة طبطبتها مكنتش سامعة حاجة بس كنت سامعة صوت دموعى وهى بتنزل كنت سامعة صوت عياطى

-في اى يا ورد بتقلقينى كدا

-قعدت على الارض وحطيت ايدى على وشي وانا بعيط:طلقنى

-مدتش اى رد فعل غير حضنها حتى مستغربتش كأن مكنش عندها كلام تواسينى بيه

-قومى نامى ياورد

-بصيتلها والدموع ف عينى ومتكلمتش

-مسحت دموعى وابتسمت:نتكلم بعد ما تصحى عشان انا متاكدة ان انتو الاتنين غلطانين

-بس

-قاطعتنى:بلاش نتكلم دلوقتى يلا قومى قومت غيرت هدومى ونمت

-ورد بلاش تنامى وانتى زعلانة من زياد متبنيش بينكوا سد افتكريلوا حاجة حلوة تخليكى متنميش زعلانة منه

خرجت وقفلت الباب وراها

-اتن*دت بدموع:انا مبعرفش ازعل منه يانيرة كل حاجة حلوة حصلتلى معاه

بعدها نمت نمت هروب من الواقع ونمت من التعب

"""""""""""""""""""""""" "

-ورد...ورد اصحى

-في اى يانيرة

-ابتسمت: قومى عشان تاكلى

-مليش نفس

-بابا دخل:نيرة اخرجى برا شوية

قومت قعدت وانا بصة ف الارض قعد جمبي وشدنى ف حضنه بس المرة دى معيطتش كنت بستمد من حضنه القوة من تانى

-اى حصل خلاه طلقك

-معرفتش ارد يمكن عشان متاكدة انى غلطانة

-ردى يا ورد

-تليفونه رن وهو كان بيغير هدومة كان مكتوب بااسم وئام لما سالته مين دى قالى السكرتيرة طلبت منه يفتح الفون مرضيش وبعدها اتخانقنا

-اممم وانتى شايفة مين الغلطان

-عيطت:هو

-ليه

-منا ديما بقوله طلقنى اشمعنا دلوقتى طلقنى بجد

-عشان زهق مثلا عشان كل واحد ليه طاقة وهو طاقتة نفذت انتى كدا مبتحبيهوش انتى كدا بتخنقيه

-يابابا كان ممكن يسبنى ويمشي ميردش عليا بس ده مصدق

-انتى بتتبررى لنفسك غلطك يا ورد انا لو كنت شكيت للحظة انه هو اللى غلطان انا مكنتش سكت بس انتى اللى غلطانة بدليل انك بتعيطى دلوقتى

-انا بعيط عشان...

-ابتسم و***ب ف شعرى:عشان بتحبيه

-ارجعى بيتك يلا

-لا يا بابا مش هرجع انا اطلقت خلاص

-هو قالى انه ردك

-ماهو ده عصبنى اكتر يابابا هو انا لعبة ف ايده

-اتن*د:غلطانة وبجحة

-هو ليه انا مش شايفه غلطى اى الغلط ف أنى اغير عليه مش فاهمة

-الحب احلى حاجة فيه الغيرة والغيرة زى الملح يا ورد لو زادت الطبخة تبوظ انتى كبيتى الملح كله ف الاكل ومستنيا يتاكل

-اتن*دت بحزن ومعرفتش ارد

-ابتسم وحضنى:مترجعيش لحد ما تحسنى طبعك ده واهو بالمرة تقعدى معانا شوية

-ابتسمت وحضنته:حاضر يا بابا

""""""""""""""""""""""""""" "

قعدت ف الاوضة طول اليوم تقريبا مش حابة اتكلم مع حد

-نيرة بهزار:يارب سريرى يكون مريحك

-ابتسمتلها ومردتش

-علفكرا الجوازة دى فقر

-ليه؟

-ضحكت:لا مش قصدى عليكى انا قصدى على جوزتى انا

-انتى اجوزتى امتى

-ماهو المفروض هيجى يتقدم اخر الاسبوع

-ومتقوليليش انتى ع**طة

-انا كنت هكلمك اقولك انهاردا بس انتى جيتى

-اتن*دت:مش فقر ولا حاجة ربنا يسعدك يا نيرو

-ابتسمت:ويهد*كى انتى وزياد يارب

-ماما دخلت:ورد زياد برا

-نطيت بفرحة: بجد يا ماما

-نيرة ضحكت:ولله ابن حلال لسه بنجيب ف سيرته

-خدت بالى من حماسي واتعاملت عادى:احم مش عاوزا اشوفه

-نيرة بصت لماما وضحكت:بنتك فاشلة ف كل حاجة حتى الكدب

-بس يا نيرة انا مش هخرج بجد

-ادخلك انا طيب

-نيرة:ثانية ياجوز اختى خالعة راسي

-لبست الطرحة وخرجت:اتفضل ادخل

-دخل وقف قدامى:وبعدين

-حاولت مبتسمش: وبعدين اى مش فاهمة

-رد بتنهيدة:انا مش عاوزك تباتى برا البيت ياورد من فضلك يلا نرجع بيتنا

-بصيت ونا عينى ابتدت تتملى دموع:لا مش هرجع

-يا ورد احنا الاتنين غلطنا خلاص بقي

-اطلع برا

-ليه

-هو اى اللى ليه

-ليه عوزانى اخرج.. عشان ابتديتى تضعفي وهتعيطى صح عشان مش عاوزا تبينى انك ضعيفة بس انتى مش محتاجة تبينى عشان انا عارف انك عاوزا تعيطى

-كلمته حطيت فيا اصرار انى حتى لو عاوزا اعيط همنع نفسي قربت منه ببطئ:اطلع برا عشان مينفعش تبقي هنا انت نسيت انك طلقتنى ولا اى

-رفع حاجبة:بتتحدينى

-انت مش ف بالى اصلا عشان اتحداك

-ضحك:ماشي ياوردتى هطلع بس علفكرا انتى فاشلة ف الكدب فعلا

طلع وقفل الباب وراه وانا ابتديت اعيط تانى الافكار ابتدت تطاردنى وكان لازم انام عشان مضعفش اكتر من كدا

----------------------''

اخر الاسبوع جيه والمفروض ان عريس نيرة جاى انهاردا هو واهله

-نيرة العريس برا

-طاب اى شكلى حلو

-ابتسمتلها:قمر

-لبسي مأڤور

-لا

-الميكب تقيل

-لا

-طاب ال

-ولله انتى زى القمر يلا بقي بيسألوا عليكى برا

-ردت عليا بتوتر:طيب اخرجى وانا جاية وراكى

-ماشي يا نيرو

خرجت وسبتها لوحدها عشان تستعد انا مبتعملش مع نيرة على انها اختى وبس نيرة صحبتى المقربة عشان ملقيتش حد ياخد اللقب ده غيرها

طلعت قعدت جمب بابا

-مامت العريس:امال فين جوزك ياورد

-بصيت لبابا وارتبكت بس قاطع ارتباكى صوت خبط الباب

قومت فتحت: زياد

-دخل من غير ما يبصلى قفلت الباب وانا مبتسمة مبسوطة انه موجود

-مساء الخير يجماعة معلش اتاخرت كان ورايا شغل

-مامت العريس:كنا لسه بنسال ورد عنك

-بصلى وابتسم ورجع بصلهم تانى:منورين

بابا قام يجيب نيرة وهو جيه قعد جمبي

-همسلى:شكلك زى القمر انهاردا

-كنت مبسوطة انه خد باله من لبسي واتبسطت من تعليقه بس رديت ببرود:مطلبتش رائيك

-ضحك:ماشي

نيرة جت واتفقوا على التفاصيل واليوم عدى لطيف بس بالنسبالى كان لطيف بوجود زياد كنت مبسوطة وهو جمبي بدون قصد كنت ببصله كل شوية ملامحه وحشتنى و وجوده ف حياتى وحشنى اكتر بقالنا اسبوع مبنتخقنش من كلمة ونتصالح من نظرة بقالنا كتير حاسة اننا بنبعد وده مخوفنى كلهم مشيوا هو كان بيتكلم ف التليفون ف البلكونة

-بابا:ورد روحى اندهى ل زياد عشان يشرب العصير بتاعه

-قومى يا نيرة

-نيرة بصتلى:انا مسميش ورد قومى انتى

خدت نفس و قومت روحتله

كان بيتكلم ف التليفون:تمام يا وئام نظبط المعاد بكرا ف الشركة

-اتعصبت:معاد اى انشالله

-قفل التليفون وبصلى بابتسامة:وانتى مالك

-يعنى اى ونا مالى

-حط ايده ف جيب البنطلون وبصلى بلا مبالاة:انتى مش قولتى اننا اطلقنا يعنى ملكيش دعوة بيا

-اتنرفذت:بس انت قولت اننا مطلقناش

-ابتسم:هو مش انتى قولتى انك مش لعبة وانك مش موافقة ترجعى

-اتعصبت وكنت هعيط:بابا عايزك برا كنت همشي

-ورد

-مبصيتلوش:نعم

-باسنى ف راسي:بحبك

-دموعى نزلت وسيبته ومشيت من غير ما ارد اليوم عدى وهو مشي دخلت اوضتى ومرضيتش اقعد معاهم تليفونى رن وكان رقم زياد

-رديت:نعم

-مساء الخير

-استغربت:مين معايا

-حضرتك تقربي لصاحب التليفون ده

-اتخضيت:زياد فين

-هو عمل حادثة وحاليا ف مستشفي***

-التليفون وقع منى من الصدمة:لا لا مش ممكن

طلعت من الاوضة وانا شبه مغيبه:بابا زياد عمل حادثة

-بابا اتخض:اى

-عيطت:ودينى ليه يابابا ونبي

-مستشفي اى طاب

-قولتله اسم المستشفي ونزلنا ركبنا العربية ومشينا الوقت مكنش بيعدى وخوفي كان بيزيد لو حصله حاجة مش هسامح نفسي هبقي انا السبب وصلنا سألنا على الاوضة اللى هو فيها

-الدكتور:المريض حالته حرجة جداا ادعلوه

-الدموع نشفت ف عينى ونفسي بقي بيطلع بصعوبة وانا بحاول استوعب اللى هما بيقولوه من غير مااتكلم روحت قدام باب اوضته وخدت نفس ودخلت التعب باين على ملامحه ايده ورجله متجبسين وراسه ملفوفة بشاش قربت منه وقعدت على الارض انا حتى مخدتش بالى من الكرسي

-كنت بتكلم بصعوبة انا حاسة انى مش قادرة اتنفس:ز زياد..زياد رد عليا انا اسفة ولله على كل حاجة اوعدك مش هشك فيك تانى طيب بص قوم يلا نرجع بيتنا قوم واوعدك مفيش خناق تانى علفكرا انت وعدتنى انك مش هتسيبنى انت مش قولتلى انك بتحبنى لو بتحبنى قوم قوم رد عليا ونام تانى

-فتح عينه وفضل يكح وهو بيحاول يتكلم بضعف شديد:اى جايبك هنا مش احنا اطلقنا

-عيطت ومسكت ايده:بالله عليك قوم عشان خطرى

-متعيطيش

-متسبنيش بالله عليك

-حاول يضغط على ايدى عشان يطمنى:مش هسيبك

-الدكتور دخل وطلب منى اخرج عشان هو ينام

-رد عليه بضعف:سيبها يادكتور ونبي انا ماصدقت

-بصيت للدكتور:مش هتكلم ومش هخليه يتكلم بس سيبنى معاه

-الدكتور خرج وزياد اتكلم:لو خفيت وخرجت هنرجع بيتنا ولا هتفضلى معاندة

-ابتسمت:خف واوعدك مش هسيبك ابدا حتى لو انت طلبت ده وبلاش كلام بقي ونبي نام

-كح:طيب متمشيش

-مش همشي

ابتدى ينام من التعب وانا كنت بعيط من غير صوت عشان ميصحاش مرضيتش امشي وقررت انى مش هخرج غير وزياد خارج معايا الفجر اذن دخلت اتوضيت وصليت مكنتش بدعى غير ان ربنا ينجيه ويقومه بالسلامة

-ورد

-رديت بسرعة:نعم عاوز حاجة

-هاتيلى مياة

-حاضر

-ساعدته يشرب وبعدها رجع راسه تانى

-مش كان زمنا بنتف*ج على فيلم كارتون ف البيت دلوقتى

-ضحكت بدموع:ده على اساس انك بتحب الكارتون

-حبيته عشانك

-ابتسمت ومردتش

-بحبك

-ابتسمت:نام عشان ترتاح

زياد ابتدى يخف رجعت علاقتنا زى الاول ويمكن احسن عشان كل واحد فينا اقتنع اننا منقدرش نعيش من غير بعض وف يوم الممرضة دخلت عشان تفكله الجبس من على دراعه

-اوووف يامهون

-الممرضة بصتلى:في حاجة حضرتك

-هو انتى معندكيش مرضي تانيين

-لا انا مهتمة بحالة استاذ زياد

-بصتلها بغيظ:طيب ممكن تخلصي عشان استاذ زياد محتاج يرتاح

-ضحكت:حاضر

بصيت ل زياد كان كاتم الضحكة:انت متعبتش ولا اى

-احم لا طبعا تعبت بسرعة بالله عليكى انا مصدقت

-الممرضة خلصت فك الجبس وخرجت وهو فضل يضحك

-انت بتضحك على اى متعصبنيش يا زياد

-انا خوفت على الممرضة ولله حسيتك هتكليها

-قعدت قدامه واتعصبت:وانت تخاف على حد غيرى ليه انشالله شوفت انت اللى بتعمل المشاكل اهو

-ياشيخة انا اللى بعمل مشاكل

-يعنى انا اللى بعمل مشاكل

-ضحك:لا طبعا ده انتى نسمة ياوردتى

-رخم

-ابتسم:بحبك

ابتسمت ومردتش

-زياد ماتخليك لما تفك الجبس من رجلك

-ايوا صح على رائيك عشان الممرضة كمان تفكهولى

-انا كمان بعرف افك الجبس عادى يعنى

-ضحك:طاب يلا

-روحنا البيت قعدته على الكنبة وفضلت ابص للبيت:البيت كان وحشنى اوى

-مسك ايدى باسها:وانتى وحشتينى اكتر

-بصتله وابتسمت:وانا كمان بحبك اوى

"وإن عاد بي الزمن..سوف احبك للمرة التى لا تعد..?"

#النهاية

((((( بعد الصبر … جبر ❤️)))

-ابتسمت:انا بحبك يا مروان

ملامحه اتغيرت من الابتسامة للارتباك

-سارة انا عمرى مافكرت فيكى كدا انتى زى اختى

خدت وقت لحد مااستوعب اللى هو قاله اختى!!يعنى هو عمره ماشفنى غير كدا طاب كلامه انى مميزة وانى استاهل اتحب مكنش يقصد بيه حاجة اهتمامه بيا وخوفه عليا كان بدافع الاخوة بس هه يعنى انا حبيت اخويا

-ابتسمت بوجع:اااه انا اسفة بجد

-متعتذريش قلوبنا مش باادينا وعشان كدا انا اسف بجد

-دمعت:بتعتذر على اى بس شكرا انك قولتلى عشان ممشيش ورا وهم

-انتى تستحقي حد احسن منى مليون مرة يا سارة

-كان نفسي اقوله مش عاوزا غيرك انى عمرى ماقبلت حد احسن منك بس اكتفيت ببتسامة متغلفة بالدموع ومشيت

--------------------

الخذلان شعور مؤلم جدا وخصوصاً لو خذلان من الحياة لما بتدينا امل ف بكرا وف اللى جاى وبعد كدا تنهى كل ده كأن مشاعرنا زر هندوس عليه ننسي مروان مكنش مجرد ابن عمى تقريبا مروان كان معايا ف كل خطوة ف حياتى هو اللى كان بيشجعنى عالمذكرة وهو اول واحد جريت عليه لما نتيجة الثانوية العامة طلعت انا فاكرة فرحته اليوم ده مقلتش عن فرحة بابا وماما محدش كان يقدر يديقنى لانهم عارفين ان مروان هو اللى هيقفلهم وهيدافع عنى حتى لو كنت غلطانة وبعدها يعاتبنى لانه برضو عارف انى ممكن اقبل اى حاجة منه كل تفصيلة صغيرة كان بيعملها كانت بتكبر حبه ف قلبي انا فاكرة لما قالى ف مرة انا مستعد اعمل اى حاجة عشانك بس هو مشافنيش غير اخت ف الوقت اللى قلبي مبقاش شايف حد غيره

دخلت البيت وانا حزينة على كل حاجة على حبي اللى ضاع قبل ما يبدأ على على حاجات كتير فقدتها

دخلت اوضتى بصيت ف المراية ودموع كانت خدت طريق على خدى

-عيطت:مش هشوفك غير اخ بعد كدا لو مقدرتش ا**بك ك حبيب مش هخسرك ك اخ

ماما دخلت وانا مسحت دموعى بسرعة

-سارة حبيبتى دخلتى اوضتك بسرعة ليه

-عادى ياماما تعبانة شوية وعاوزا انام

-ابتسمت:سرسور تعالى ف حضنى

-مجرد الكلمة خلتنى عيطت حضنتها وفضلت اعيط جاامد وهى مكنش ليها اى ردة فعل غير انها بطبطب عليا بحنان

-وسط دموعى:نفسي افضل ف حضنك عالطول ياماما عاوزا افضل مرتاحة عالطول

-ابتسمت:الراحة اللى بتيجى بعد تعب اجمل احساس ممكن تحسيه يا سارة خلى الدنيا تهلكك بس خليكى واثقة انك هترتاحى ف الاخر ده ربنا اقرب لينا من حبل الوريد في راحة اكبر من كدا

-شديت على حضنها:بس الدنيا قسيت عليا جامد

-ابتسمتلى ابتسامة نستنى كل حاجة:يبختك ياسارة عالراحة اللى هتلاقيها ف الاخر كل ما تعبك يزيد اعرفي ان مكفئتك هتتضاعف

-ابتسمتلها:انا بحبك اوى

-ابتسمتلى:وانا كمان بحبك اوى خلاص كدا فوقتى قومى اغسلى المواعين

-وقفت وشوحت باايدى:اهااا ده انتى بتستغلينى بقي انا ف يوم همشي ومش هتعرفيلى طريق

-فين الشبشب

-احم..مش عوزانى اعملك الاكل

-امشي يابت يلا بنات اخر زمن

سبتها وطلعت اجرى على المطبخ ماما ديما موجودة وقت تعبي ديما انا عمرى ماهقدر اوفيها حقها حرفيا خلصت المواعين والباب خبط

-سارة افتحى الباب

-حااضر

-فتحت الباب وكان واقف مبتسم انا نسيت كل اللى حصل لما شوفته بيبتسم

-ابتسمت:مروان اتفضل

-مين ياسارة

-مروان ياماما

-سارة ممكن اتكلم معاكى شوية

-اها طبعا نتكلم هنا ولا ف البلكونة

-ف البلكونة افضل

-تمام

انا مكنش عندى كلام اقوله كنت موطية راسي ف احراج ومقدرتش اتكلم

-ابتسم:سارة

-نعم

-انتى لسه زعلانة

-ابتسمت بوجع:في اخت تزعل من اخوها

-ابتسم ابتسامة معناها أنه مش مصدقنى:تعرفي حبي ليكى مبيتقيدش بنوع علاقة معرفش كدا انا بحسك اقرب حد ليا

-ابتسمت بس على خيبتى كل الكلام الحلو اللى قالو زمان ودلوقتى مكنش يقصد بيه اى حاجة

-بصتله وابتسمت وانا بحاول معيطش بس غصب عنى عينى دمعت:وانت كمان اغلى حاجه في حياتي

-عاوز اتكلم معاكى ف موضوع كنت هكلمك فيه الصبح بس..

-ابتسمت:اتكلم يا مارو سمعاك

-اتن*د وبصلى بيراقب تصرفاتى:انا بحب بنت والمفروض اروح اتقدملها الخميس الجاى

مبينتش اى رد فعل ملامحى فضلت هادية وكاائنى فقدت الاحساس ف اللحظة دى

-زغرطتله ف البلكونة:هتخطب يامارو عشت وشوفتك عريس يولا

-الصدمة خلته متكلمش والحقيقة انى انا كمان اتصدمت من ردة فعلى يمكن اكتر منه معرفش ليه عملت كدا

-بلعت ريقي:مالك متنح ليه

-انتى ليه بتعذبي نفسك بالطريقة دى

-ضحكت:انت بقيت اوفر مارو ده كان موضوع كنت فهماه غلط وانتهى يبقي خلاص مفرحش لااخويا ازاى يعنى

-ابتسم ومكلمش

-ابتسمت وبصوت ضعيف:مبروك

-هتيجى معايا صح

-ا ااه طبعا هاجى انت بتهزر يبنى

-ابتسم:انا محظوظ ان ف حياتى حد زيك

-ابتسمت بس خلاص دموعى كانت هتنزل استاذنت ومشيت روحت لماما قولتلها تقوله انى مشغولة وتقعد معاه ودخلت اوضتى وانا حاسة انها بتديق عليا حاسة بقلبي وهو بيت**ر نصين وصعبت عليا نفسي انى ديما بااجى عليها بس افتكرت كلام ماما:كل ماهتتعبي اكتر اعرفي ان مكفئتك هتتضاعف" حاولت اهدى نفسي وانام

نمت ونمت كتير كاانى منمتش بقالى شهر وحقيقي كان نفسي افضل نايمة صحيت خرجت من الاوضة كانت ماما وبابا قاعدين يتف*جوا عالتلفزيون روحت قعدت معاهم بس مكنتش مركزة ف حاجة هاخد وقت لحد مااتقلم على الوضع ده بس تليفونى رن وكان رقم مروان اتن*دت ورديت

-الو يامروان

-سارة ممكن اقابلك

صوته مكنش كويس ممكن اقابلك يعنى حاسس انه تايه ومحتاج حد جمبه وانا ديما كنت جمبه زى ماهو ولا مرة سابنى

-تعالى يامروان

-عمى قاعد جمبك

-اها

-اديه الفون كدا

-طيب

كلم بابا وتقريبا قاله انه عاوز يشوفنى وبابا وافق بابا بيثق ف مروان وبيثق فيا وانا عمرى ماضيعت الثقة دى هو بيبقي مطمن انى بخير معاه قومت لبست ونزلت كان مروان مستنينى

-يلا اركبي

-ابتسمت:احنا كدا كدا هنروح الكافية وده اخر الشارع انت شكلك مدايق تعالى نتمشي

-ابتسم:يلا

-اتمشينا بس مكناش بنتكلم على غير العادة وهو كان ماشي سرحان

-ساكتة ليه

-مفيش حاجة اقولها انا عاوزا اسمعك

-بصلى وابتسم وبص قدامه تانى

وصلنا الكافية وقعدنا وهو لسه ساكت وحاطط راسه بين ايده عرفت انه مش عاوز يتكلم هو بس عاوز يحس ب ونس انك تبقي مدايق بس جمبك حد موجود عشانك ده ف حد ذاته اكتر شئ مطمئن

-جالها عريس

-فهمت انه بيتكلم عنها اتن*دت:هتقبل تكون لغيرك

-مش عارف اعمل اى

-بتحبها؟

-بصلى وهز راسه بمعنى ااه

-ابتسمتله بوجع:يبقي متستناش للخميس روح كلم باباها وقوله انك بتحبها وقوله انك هتجيب اهلك بكرا بصتله ودمعت:متسمحش لحبك يضيع يامروان

-ابتسم:شكرا

-ضحكت: ايوا افضل اشكر فيا لحد ما البت تروح منك

-طاب يلا هروحك واروحله

-روح انت انا هطلب حاجة اشربها وامشي

قبل ما يمشي قال للجرسون ان اللى انا هطلبه هو هيدفع حسابه ومشي

كأن دموعى كانت مستنياه يمشي حطيت راسي على الطرابيزة وفضلت اعيط على كل ض*بة اللى بتبقي اقوى من اللى قبلها

-بعد ما تخلصي عياط قوليلى هتطلبي اى

كان راجل كبير ف السن ملامحه مريحة

-مسحت دموعى وابتسمت:هاخد شاى

-ابتسملى:لو من نصيبك العالم كله مش هيقدر يفرقكوا

-ها

-ابتسم:متزعليش منى اللى ميشوفش كل الحب اللى ف عينك ليه ده يبقي حمار

-اتن*دت بوجع:الحب مش بادينا

- ابتسم..بعد الصبر جبر هروح اجيبلك الشاى

اوقات بحس ان الكلام اللى ماما بتقولهولى والكلمة اللى راجل لسه قيلهالى دلوقتى بيبقي رسالة ليا من ربنا وهما مجرد مرسل وده بيطمنى اوى

شربت الشاى وروحت وانا مستنية تليفونة يقولى عمل اى

بس مرنش...

لا مبدهاش بقي هكلمه انا

اتصلت بيه بس مردش عليا اتصلت بيه كذا مرة ومردش وده قلقنى قررت انى هروحله اول ماالنهار يطلع معرفتش انام من التفكير صحيت الصبح وقولت لماما انى هروح اشوفه

وصلت على البيت ومامته فتحتلى

-ابتسمت: اذيك ياطنط هو مروان فين

-ف اوضته ياسارة مش راضي يخرج منها من امبارح

-هو اى حصل

-معرفش

-ممكن طيب اقابله

-ادخلى تعالى

-مامته دخلتله وقالها انه مش عاوز يقابل حد وده قلقنى اكتر وتقريبا فهمت ان باباها رفض

مشيت لحد باب اوضته وخبط

-زعق من جوا:قولت مش عاوز اشوف حد

-انا سارة يا مروان

-من فضلك ياسارة سيبينى لوحدى

-لا

-قولت سيبينى لوحدى

-قولت بااصرار اكبر :لاا مش هسيبك مش عاوزا اعرف مالك بس اطلع شوفنى من امتى انت بترفض تقابلنى هو انا زعلتك ف حاجة

-مردش بس سمعت صوته بيعيط وده وجعلى قلبي بدون تردد فتحت الباب ودخلت لقيته قاعد عالسرير بيعيط

-في اى يا مروان

-زعق:طلعت بتضحك عليا بعتنى عشان جالها ظابط عشان هو مستوى بمنتهى البساطة قالتلى انسي كل اللى بينا بمنتهى السهولة قالتلى اتمنى متزعلش منى انا مش بعيط عشانها ياسارة انا بعيط على غبائي انا حاسس انى كنت مجرد لعبة ف اديها انا حاسس انى ولا حاجة

-قومت وقفت قدامه وابتسمت:خلصت

-مردش

-طلعت منديل من شنطتى: امسح دموعك طز ف كل حاجة تخليك بالمنظر ده

-مسك المنديل ومسح دموعه وبصلى:انا عاوز اسافر عاوز ابعد انا وصلت لمرحلة مش طايق المكان اللى هى موجودة فيه

-انت كدا معملتش اى حاجة غير انك بتهرب

-عاوزا الم اللى وقع منى ياسارة

-طاب وانا

-بصلى ومردش

-هه هتمشي وتسيبنى تانى انت م**م تعذبنى ببعدك عنى انت خلاص مش شايف اى حاجه تفضل عشانها يعنى.. تمام يا مروان سافر ربنا يوفقك بس انا اسفة مش هوصلك للمطار عشان مش مستعدة اشوف حب عمرى بيسبنى ويمشي عن اذنك

*************

مشيت وانا بعيط كالعادة بسببه كالعاة م**م يوجعنى

اللى هى عملته فيه بيردوا فيا بطريقة اب*ع هو حبها وانا حبيته حبه اتحول لفيرس بيزيد مبيقلش والمشكلة انى حابة الفيرس ده:كفاية بقي لسه بتحبيه بعد كل ده انتى اى

روحت البيت وفضلت قاعدة ف اوضتى اغلب الوقت مبكلمش حد مبشوفش حد عدت ايام كتير ومجليش منه اتصال واحد يطمن عليا فيه مفكرش فيا يطمن عليا لدرجة دى انا ولا حاجة عنده

ماما دخلت عليا:سارة تعالى في حد عاوزك ف البلكونة

-من غير ماابصلها:مش عاوزا اشوف حد

-سارة مينفعش كدا عيب

-ماما لو سمحتى

-هى كلمة قومى شوفي مين عاوزك

-قومت وانا التعب حرفيا متمكن من جسمى وروحى لدرجة حاسة انى بتنفس بصعوبة دخلت البلكونة لقيته قدامى

-بصلى وابتسم

-دمعت:اتاخرت عليا ليه

-مليش عين اجى اشوفك او اكلمك

-عيطت:ومسافرتش ليه

-قرب منى:مش هسيبك

-وكلامك

-ابتسم ومسحلى دموعى:انا مستعد اعمل اى حاجة عشانك..انا بحبك

"بعد الصبر...جبر ?"

#النهاية

((((((جمال الروح )))))

-يبنتى انتى مش شايفة شكلك ولا اى

-استجمعت قوتى ورديت:لا طبعا شيفاه شايفة ان ربنا خلقنى ف احسن صورة وشايفة احترامى لنفسي وللناس وشايفة نقائي شايفة انى مش مزيفة قوليلى بقي انتى شايفة اى ف نفسك

-انتى ازاى تكلمينى كدا

-عندك حق سورى المفروض مكنتش اتكلم معاكى اصلا

وسيبتها ومشيت دخلت التويلت عشان اقلع قناع القوة شوية

-عيطت:يارب ولله انا مش معترضة على حاجة ومش فارقلى كلامهم بس انا تعبت من نظراتهم ليا وتعبت وانا حاسة انهم بيتكلموا عنى بجد تعبت

-الناس عمرها مابطلت كلام

-انتى مين

-مدتلى اديها انا سلوى

-بصيت لااديها بعد كدا بصتلها:مش ق*فانة تسلمى عليا

-مسكت ايدى حطتها ف اديها:اسمك اى بقي

-ابتسمتلها:ليلى

-اسمك قمر زيك بالظبط

-شكرا

-مسكت وشي بااديها:انتى مش وحشة زى ماهى خطرفت بالكلام انتى جميلة اووى وجمالك فابتسامتك ف عنيكى ف النظرة البريئة اللى انا شيفاها انتى مميزة مميزة عننا كلنا

-ابتسمتلها:انا عارفة كل الكلام ده ومقتنعة بيه انا رديت عليها لاانى لو مكنتش رديت كانت هتعتبرها تسلية

-ممكن نبقي صحاب

- ابتسمتلها: احنا بقينا صحاب اصلا

ابتديت علاقتى بسلوى تكبر وجودها كان بيهون كتير كان بيهون التنمر وكان بيهون نظراتهم الجامعة من بعد مااتعرفت عليها بقي ليها روح

-ليلى ليلللللى

-اى نعم

-كانت بتتكلم بحماس:الجامعة مطلعة رحلة ومفيهاش كلام طيعا هنطلع

- ابتسمتلها اشطا ربنا معاكى

-ليلى هتيجى معايا

-هزيت راسي:لا يا سلوى انا مبحبش الرحلات

-ابتسمت:معايا هتحبيها

-ضحكت:اى معايا هتحبيها احنا طالعين شهر عسل

-ضحكت:عشان خطرى ماترفضيش ده هو اسبوع اسبووع

-خلاص كفاية زن

-حضنتنى:رفيق دربي اوى يعنى

------------------------------------

يلا يشباب الاتوبيس هيتحرك

كلنا طلعنا الاتوبيس وانا وسلوى قعدنا جنب بعض

-سلوى وحشتينى جدا

-وانتى كمان يا يارا عاملة اى

-الحمدلله ياقلبي تعالى اقعدى جمبي شوية بلييز بجد وحشتينى اوى

-بس

-همستلها:قومى اقعدى جمب صحبتك شوية

-طاب وانتى

-ضحكتلها:مش هتخ*ف يلا قومى

ابتسمتلى وقامت انا بحب اشوفها مبسوطة وبتضحك انا مستعدة اديها من فرحتى كمان

-ممكن اقعد جمبك

-نعم

-اصل مفيش اماكن وجمبك فاضي

-احم اها اتفضل

-شكرا..قعد جمبي وابتدى يلعب ف الفون وانا بعدت عنه بحيس انى اخلى بينا مساحة بس هو لاحظ ده

- بصلى:هو انا مديقك اقوم

-احم لا عادى

-طيب ماتقعدى براحتك

-مااهو براحتى كدا

-ابتسم:انسة ليلى اقعدى براحتك ولو مدايقة من وجودى هقوم ومش زعلان