AGAD na isinara ni Jax ang pinto nang makapasok kami sa silid ko. Ang totoo ay hindi na ako makahinga ng maayos. Samu’t saring emosyon ang naglalakbay sa kabuuan ko. Ang plano ko ay maagang matulog dahil sa kakulangan ko niyon noong isang gabi. Mukhang malabo pa yata mangyari.
Dahan-dahan akong humakbang palapit sa kama saka umupo. Si Jax ay nasa pinto pa rin. May ngiti sa labi habang nakahalukipkip. Lalo akong kinabahan.
“M-makakalabas ka na. O-okay na ako rito. Salamat sa paghatid,” ani ko. Nagkunwaring inayos ko ang gamit ko sa mesa. “K-kaya
ko na rito. Bumaba ka na. Nakakahiya kay Tito Jose – “ Malakas akong napasinghap nang maramdamang nakalapit na siya sa akin. Kanina lang ay nasa pinto pa lang siya. Saglit lang ako tumingin sa mesa ay nasa tabi ko na siya agad. “B-bakit? M-may
