TALO ko pa yata ang ibinabad sa suka dahil sa sobrang takot. Hindi ko malaman kung anong dapat sabihin.
“Anong ginagawa n’yo diyan, Celine at sino ba ‘yang kasama mo?”
“N-Nay… e-eh… k-kasi po...” Nagmamadaling lumapit ako kay Nanay.
“Magandang gabi po, Mrs. Macaraeg. Ako po si Grant Zamora, professor po ako sa Sulayman University.”
Natigilan ang nanay ko. Nagdududang nilingon ako nito bago muling tumingin kay Sir Grant at kunot-noong nagtanong. “Propesor kamo? Sa unibersidad?”
Bahagyang tumango si Sir Grant. Napaawang sandali ang bibig ni Nanay bago mabilis na inilapag ang mga dala sa isang sulok ng aming sala. “Ay, naku, Sir, bakit hindi kayo maupo? H’wag kayong tumayo lang riyan!” Natigilan ako sa naging reaksiyon ni Nanay. Pinag-aalis pa niya ang ilang kalat sa set na kawayan ba
