"البارت العاشر"
1470 Words
اتمنى البارت يعجبكم
( صدمه اسد2) البارت العاشر
بقلم ✍️ ملك فريد لطفى
محمد /مع السلامه انا هروح اقعد مع الرجاله طالعتوا عيني .
حور /كنت عاوزه اخد رأيك في فستاني .
محمد /خلاص اشتري ورني عليه اطلع اتف*ج واقولك رأي .
حور / تمام يا محمد .
همس ولينه /خير يا انسه حور مالك ومال اخونا عايزه تاخدي رأيه ليه.
سهيله/بس ياحلوه انت هيا عاوزين من البنت ايه .
شمس /,في ايه يابنات سيبوها تتعامل بحريتها وبعدين ماهو اخوها برده .
همس ولينه /طبعا اخوها واضح اوي اهه يا ماما .
وطلعوا يتف*جوا علي الفساتين ويختاروا وينقوا كان اسهل واحده فيهم شمس جابت حاجتها اول واحده .
وحور وهمس ولينا وسيليا جابوا فساتين نفس اللون.
همس ولينه /ايه يا حور مش هتنادي محمد يشوف الفستان .
حور /هاه لاء خلاص علشان تبقي مفاجأه
همس ولينه / طاايب
سهيله / فاضل يوم واحد ياروحى وهتتجوزى اخيرا
شمس / اه فرحانه اووى
سهيله / ربنا يفرح قلبك ياروحى
شمس / يارب
سهيله / ايه رايك نجيب الميكب ارتس فى البيت ولا نروح بيوتى سنتر.
شمس / لاء انتى عارفه انا مش بحب الميكب اوفر فهتيها وخلاص على البيت علشان البس براحتي .
سهيله / خلاص تمام يلا ننزل زمانهم مستنينا تحت يلا يابنات
شمس / ماشى يلا
نزلو تحت
اسد / خلصتو
شمس / ايوه
اسد / طب هتف*جيني علي الفستان .
شمس /لا طبعا مفاجأه وبعدين انت مش واثق في ذوقي ولا ايه.
أسد/لا طبعا الا ذوقك ماقدرش اتكلم يلا بينا علي البيت انا طلبت اكل علي مانوصل يكون الاكل وصل نتغدا علي طول .
سهيله ركبت مع احمد العربيه وشمس وأسد مع بعض والبنات ومحمد مع بعض
محمد / متصلتيش بيا ليه اطلع اشوف الفستان
حور / قولت اخليها مفاجئه
محمد / كنت عاوز اشوفه اول واحد .
حور /خالي بالك في ناس فاهمين الموضوع غلط .
لينه وهمس / كنت عايز تشوف فستانها ليه مثلا.
محمد / عادى يعنى وفيها ايه لما اشوف فستانها ياستى انا مزاجى اشوف فستانها انتو مالكم
لينه وهمس / والله ماشى.
سيليا / انتو رخمين اووى
محمد / اووى اووى يعنى والله.
سهيله / مالك احنا اتفقنا انا وشمس نجيب الميكب ارتست عندنا البيت
مالك /ليه بس كده خالي البيت رايق وانا خلاص حجزتلكم فى البيوتى سنتر روحوا كلكم هناك أنا هاجى اخدك انت وشمس علشان نعمل مفاجأه لأسد ومحمد هيجى ياخد البنات
سهيله / خلاص تمام هعرف شمس
مالك / ماشى ياقلبى علشان اظبط الشقه واجيب كراسي وجاتوهات والحاجات ساقعه وكده يعني وماتبقاش الشقه مزحومه والبسوا انتوا براحتكم هناك ولما اخلص الشقه اللبس واجي اخدكم قبل معاد أسد .
اسد / انا فرحان اووى انك فاضل يوم واحد بس وهنتجتمع فى بيت واحد
شمس / وانا كمان انا حاسه انى بحلم مش مصدقه ياأسد والله.
اسد/ أنا بحبك اووى يا شمس أنا آسف علي كل لحظه عيشتها من غير .
شمس / خلاص ياأسد انا نسيت الي فات انا هعيش معاك بدايه جديده كلها سعاده وهنا أن شاء الله احنا وصلنا .
اسد / اه وسهيله ومالك ومحمد والبنات وصلو هما كمان
شمس / ايوه يلا هطلع اسبقك اعرف ماما علشان يمكن تكون نايمه ولا حاجه.
اسد / تمام انا هكلم الدليفري واستناه واجيب الاكل واطلع.
مالك /يلا ياأسد نطلع فوق .
أسد/هستني الاكل اجيبه واطلع .
مالك/خلاص هستناه معاك .
مش ظبطلك كل حاجه ليوم كتب الكتاب .
أسد /بجد يا مالك انا مش عارف اقولك ايه لو ليه اخ مكنش عمل معايا كده .
مالك/حبيبي انت فعلاً اخويا ربنا يتمملك بخير.
الولاد جم اهم والحمد لله الاكل كمان وصل يلا بينا نطلع كلنا .
أسماء/اهلا بحبايبي اتأخرتوا عليه ليه .
مالك/
حبيبتى ياماما انت عارفه العروسه والبنات خدوا وقت طبعا وهما بينقوا الفساتين .
شمس /والله يا ماما العروسه بريئه العروسه اول واحده مخلصه حاجتها .
أسد /طيب يلا هنتكلم كتير والأكل هايبرد وانا جعان اوي اوي .
أسماء/يلا ياحبايبي بالهنا والشفا.
أكلوا وانبسطوا وأسد قام يروح
اسد /هاه هتعملوا ايه بكره الخميس هيبقي باقي يوم لكتب الكتاب مرتبين اليوم ازاي .
مالك/انت يا عريس عليك تجيب المأذون وتيجي انا بس هبقي عاوز محمد معايا من اول اليوم .
وانت عيش حياتك اليوم ده .
أسد /خلاص انا هريح بكره علشان ابقي فايق الجمعه معاكم تمام ولو احتجتوا حاجه كلموني .
تصبحوا علي خير ......
اليوم الخميس طبعا البنات اليوم كله مشغلين اغاني ورقص وغني علشان يفرحوا شمس وشمس الضحكه ماكنتش بتفارقها .
الجمعه اليوم المنتظر .....
صحيوا البنات الصبح أو هما اصلا ماناموش خايفين وقالقانين. بس الي مصبرهم أن العريس باباهم وهيتجمعوا في بيت واحد بس هي برده حياه جديده عليهم .
أسماء يلا يا حلوين قوموا افطروا علشان اليوم ده بيجري بسرعه وعلشان متتأخروش علي العريس
صباح الخير ياماما احنا مانمناش اصلا كله قام فطر وجهزوا فساتينهم وكل واحد معاه شنطته علشان هيروحوا البيوتي سنتر .
مالك ومحمد وصلوهم .
البنت هناك اهلا وسهلا مين بقي العروسه .
سهيله /شورت علي شمس هي دي العروسه
البنت /ماشاء الله جميله.
البنات /اشتغلوا مع شمس الاول
وكل بنت هناك مكيجت بنت من البنات ولبسوا وخالصوا .
............................................................
مالك في البيت طبعا عمل كوشه تجنن ونقل العفش كله وفضا الشقه وجاب كراسي متزوقه بالتل الابيض .
والشقه مالك قلبها قاعه افراح صغيره أسماء ماكنتش مصدقه الي مالك عمله .
ايه رايك يا ماما
أسماء /تحفه.
مالك / يعنى هتعجب أسد وشمس .
أسماء/والله ياحبيبي انت عملت الي محدش يتخيله .
عقبال سيليا يارب يا حبيبي .
مالك تليفونه بيرن /الو ايوه ياسهيله انا جاي أنه اديني نص ساعه وهتلاقيني عندك .
مالك الو ايوه ياعم أسد خلصت طيب يلا اجهز علشان تقابلني قدام البيت عاوز تتدخل انت وشمس البيت علشان تشوفوا مع بعض المفاجأة
أسد /طيب والمأذون .
مالك /قوله العنوان وهو يجلنا علي البيت ده انا عملك شغل عالي سلام بقي علشان اللبس انا وابنك الغلبان ده سلام .
اسد / سلام
لبس مالك ومحمد وراحوا لى شمس
اسد مسك التليفون واتصل بعمار
اسد / عمار فينك يابنى جهزت ولا لسه
عمار / جهزت وغير كده قدام الفيلا
اسد / طب يلا علشان نروح
عمار / يلا
اسد اتصل بى مالك
اسد / مالك عمار جه اهو وهروح معاه انت فين
مالك / بص لو روحت ملقتناش خاليك واقف وانا مش هتاخر
عمار ومالك مشيو وراحوا عند بيت شمس ولقو مالك وصل فى نفس الوقت
اسد راح عند عربيه مالك علشان ينزل شمس من العربيه
اسد / ايه الجمال ده
شمس ب**وف/ ميرسى حلوه البدله عاليك جدا
اسد / انتى احلى
اسد نزل شمس من العربيه وقفو هما الاتنين جمب بعض وهما فرحانين جدا
مالك طلع علشان يفتح الباب
اسد وشمس طلعوا طبعا الجيران والاصحاب كلهم كانوا متجمعين .
شمس / واو ايه ده انتو عملتو ده امتى
اسد / انا فرحان دلوقت على فرحتك دى بجد يامالك انت عبقري
شمس / ربنا يخليك ليا يارب
اسد / ويخليكى ليا واشكرى مالك ومحمد هما الي تعبوا فى تظبيط ده كله
شمس / شكرا جدا يا مالك مش عارفه اقولكم ايه الصراحه
أسماء / الله اكبر مشاء الله قمر ياناس ربنا يحميكى يارب
شمس / امين يارب
أسماء / راحت حضنت شمس وفضلت تعيط
شمس / طب بتعيطى ليه دلوقت
أسماء / دى دموع الفرحه الف مبروووك ليكم خالى بالك منها ياأسد دى امانه عندك
اسد / متقلقيش ياماما هحافظ عاليها انتى مش عارفه انا بحب شمس ازاى
أسماء / ربنا يخليكم لبعض
سهيله / هو احنا هنقضيها عياط
عمار / الف مب**ك يا اسد انت وشمس ياااه هم وانزاح
اسد / ماتتلم يا هاه انا عريس مش عاوز ازعلك .
عمار / خلاص ياعم يا بقى والله بجد فرحان ليكم اووى انكم رجعتو لى بعض .
اسد / انا مش مصدق
لينه وهمس وحور / الف مب**ك ياماما انتى وبابا اخيرا هنقعد فى بيت واحد
اسد / ايوه خلاص بس فاضل المأذون بس
مالك / المأذون وصل
محمد / البدله هتاكل منك حته يابابا
اسد /حبيبي يا محمد عقبالك ياحبيبي .
محمد /بص لحور وقاله يارب يابابا .
أسد /ايه ده هو في حاجه جديده .
محمد /شكلها كده يابابا في حاجه لسه مش متأكد لسه .
مالك المأذون وصل يلا يا أسد هتخش عيش الزوجيه .
المأذون السلام عليكم ممكن البطايق للعريس والعروسه والشهود
جابوا البطايق وبدء المأذون في كتابه الكتاب والبنات واقفين حوالين شمس اول مالمأذون قال بارك الله لهما وبارك عليهما وجمع بينهم في خير .مالك شد المنديل وسهيله زعرتت لولولولولولوي.المأذون مشي
أسد حضن شمس وباسها من راسها وبدأت الحفله وكانوا كلهم فرحانين بيهم كانت ليله ولا الف ليله وليله.
أسد اخر الليل ممكن تسمحولي اخد مراتي واروح .
سهيله /حضنت شمس ربنا يسعدك ياحبيبتى وهي بتعيط
مالك/ايه الرقه دي انا معرفش انك رقيقه كده ودموع كمان .
أسماء/بس ياولاد ماتعيطوش ربنا يسعدها روحى يا حبيبتي مع جوزك .
أسد/يلا يا بنات.
أسماء/لا حبايبي هيباتوا معايا ومحمد كمان هيبات معانا هنسبكم لغايت ماتقضوا شهر العسل لوحدكم من غير حد ماشي يا محمد هتقعد معايا .
محمد /طبعا يا تيته هقعد معاكي .
كلهم مع السلامه مع السلامه وأسد روح هو شمس علي بيتهم يبدأوا حياه جديده.......
عايزه تعليقات كتير وتفاعل علشان انزلكم البارت الحدى عشر وشكرا بجد على دعمكم ليا بحبكم كتير متنسوش تقولو توقعاتكم ورأيكم الان رايكم يهمنى
يتبع بقلم✍️ملك فريد لطفى
- Writer
