Sino ang taong iyon at ano ang sadya niya sa ospital? At at bakit kailangan niyang gumawa ng ganoong kumosyon sa isang pampublikong lugar na katulad nito? Mabuti na lang at walang namatay ng dahil sa ginawa niya. May hinala ako na sinadya niya na hindi patamaan ang mga bantay sa mga vital parts nito. Ayon nga rin kay Gunner, sa paraan ng paghawak nito ng baril kanina ay bihasa ito. Isa pa, hindi naman malayo ang distansya niya sa mga nasugatan. Kung gugustuhin niya, mapapatay niya sa isang bala lang ang mga bantay na pulis doon.
Tinanong ko ang mga natirang bantay ni Hugo at ayon sa kanila, sa loob na mismo nanggaling ang misteryosong tao. Hindi naman daw sila umalis sa mga pwesto nila kaya hindi nila alam kung paano ito nakapasok sa loob. Pumasok ako sa loob ng kwarto. Nakapikit ang krim
