Tinawagan ko ang numero ng nagpadala ng mensahe habang binilisan ko pa ang takbo ng sasakyan papuntang Arkhenham River. Hindi maaari ito. May isa na naman silang biniktima. Nagri-ring ang cellphone pero walang sumasagot. Ilang beses kong sinubukan tawagan ang numero hanggang sa hindi ko na ito matawagan. Walang akong magawa kundi ang mainis. Pero kahit ilang pukpok sa manibela ang gawin ko, walang nagbabago. Wala akong ibang masisisi sa nangyayaring ito kundi ang sarili ko. Bakit hindi ko mahuli ang hayop na ‘to?! Naalala ko ang sinabi ni Chief Ross noon. Na hindi matatapos ang patayang ito hangga’t hindi nahuhuli ang salarin. Ilang buhay pa ang dapat na masayang para lang dito? Nakakainis! Nakakainis!
Mabilis akong tumakbo papunta sa ilog pagdating ko sa lugar. Hinawi ko na lang ang mga
