للفهد عرين

الفصل الثاني.

نكمل روايتنا (للفهد عرين) بقلم سلسبيل كوبك ??

الفصل التاني....

خلص الفصل الأول علي أن حبيبة اتخبطت بعربية و أغمي عليها....

اللي كان سايق العربية نزل بسرعة علشان يشوف ايه اللي حصل..

واحد من الناس اللي إتلموا:انتوا مستنين إيه يلا ننقلها علي المستشفي بسرعة..

واحد تاني:إنت مستني إيه شيل معانا(كان بيكلم اللي خبطها)..

الشخص اللي خبطها شالها و ركبها في عربيته و معاه واحد من اللي كانوا واقفين..

في المستشفي..

الدكتور خرج من غرفة حبيبة بعد ما كشف عليها..

الدكتور:الأنسة اللي جوا تمام بس حصل خدش بسيط في رأسها و إلتواء في رجلها اليمين..و انا آسف يا فارس بيه لازم نبلغ البوليس..

-طب اللي المفروض نفهمه ان اللي خبط حبيبة -شخص مهم و اسمه فارس بس يا تري ليه مهم؟؟!

فارس :ماشي اعمل اللازم..

مشي الدكتور.

فارس بعد عن الراجل اللي كان معاه و راح عمل مكالمة...

فارس:الو يا فهد..

فهد:خير يا فارس..

فارس:انا خبطت واحدة بالعربية و في تحقيق و بوليس..

فهد:انت في أي مستشفي؟

فارس:في مستشفي............

فهد:خلاص انا جاي..

في مكان تاني حيث حور و ندي في النادي قاعدين بيتكلموا.

حور:سنتين علشان تيجي جتك نصيبة مق*فة..

ندي:إنتي تطولي تقعدي معايا يا غ*ية إنتي..

حور:انا غ*ية يا بت احترمي نفسك و بطلي غرور..

ندي:انا حرة ليكي شوق في حاجة..

حور:ياااااااا ربي!!!

تليفون حور رن.

فحور بترد..

حور:الو مين معايا..

الشخص:حضرتك آنسة حور؟؟

حور:اه مين معايا..

ندي(بهمس):معجب صح معجب ها قوليلي ???عيلة زبالة

الشخص:انا شغال في مستشفي(.......... )و صاحبة حضرتك عملت حادثة و احنا جبنا رقم حضرتك....

ملحقش يكمل حور قفلت السكة علطول اول ما سمعت ان صاحبتها في المستشفي..

قامت بسرعة و بتلم حاجتها و بتكلم ندي و تقول ليها

حور:ندي قومي بسرعة حد من صحابنا عمل حادثة..

ندي:طب يلا بسرعة..

حور و ندي ركبوا العربية و حور كانت بتسوق بطريقة غ*ية و سرعة كبيرة و كانت هتعمل كذا حادثة...

لحد ما وصلوا و نزلت بسرعة من غير ما تركن العربية..

كان قبل ما حور ما توصل فهد كان وصل قبلها بشوية و كان عند موظفة الاستقبال..

حور دخلت بسرعة و راحت علي موظفة الاستقبال بتسألها..

حور(بلهفة و خوف):لو سمحت في حد لسة جاي هنا في حادثة من شوية..

الموظفة:اه غرفة رقم 104

ندي:شكرا..

فهد كان مركز مع حور لدرجة منتبهش لموظفة الاستقبال و هي بتسأله..

موظفة الاستقبال:حضرتك كنت بتسأل علي مين؟؟؟

فهد:قالها لا شكرا..

كانت حور و ندي و صلوا الاوضة بسرعة و حور فتحت الباب لغاية ما شافت حبيبة نايمة علي سرير المرضي جريوا عليها..

حور(بدموع):حبيبة اصحي..

ندي:حبيبة متهزريش انتي عارفة مبحبش كدة الله..

حبيبة كانت بدأت تفوق و تغمض عنيها و تفتحهم لغاية ما فتحت عنيها لقت حور و ندي و بعدين افتكرت اللي حصل ندي ساعدتها علشان تقعد علي السرير..

حور:ايه اللي حصل احكي..

حبيبة لسة هتحكي الباب خبط..

ندي:مين؟؟ادخل..

دخل فهد و معاه فارس و اول ما دخلوا.

حور:انتوا مين و عايزين ايه؟؟

فارس:احم انا اللي خبطت الانسة..

حور(اتعصبت و كانت بتحاول تكتم غيظها):و المفروض اعمل ايه اسقفلك و لا اعمل ايه؟!

فهد:إحنا هنكتبلها تعويض و كإن محصلش حاجة

حور(كانت علي آخرها بجد)قامت و وقفت قدامه

و نزلت كف خماسي علي وش فهد لدرجة ان كله اتصدم حتي فهد عروقه بدأت تظهر و عيونه بقت كإنها بطلع نار...

و كان لسة هيتكلم لقوا الظابط المسؤل عن التحقيق دخل الغرفة و اول ما دخل سلم علي فهد طبعا لانه الفهد كفاية سمعته في السوق..

الظابط:آنسة حبيبة ممكن تحكي ايه اللي حصل بالظبط؟؟.

حبيبة حكت اللي حصل انها كانت ماشية و مش منتبهة و استاذ فارس خبطها غصب عنه..

حور كانت هتموت من الغيظ علشان كدة هو مش هيحصله حاجة و فهد كان بيتوعد لحور

فهد(في نفسه):هخليكي تندمي علي اللي عملتيه هخليكي تعرفي مين هو الفهد..

بعد ما المحقق مشي...

و خلاص فهد و فارس هيمشوا..

حبيبة:أستاذ فارس..

فارس:إيه؟

حبيبة:اللي انا عملته معاك إنهاردة كان من باب الشفقة لا اكتر و لا اقل(كانت بتقولها بسخرية)..

فارس كان هيولع من الغضب..

قبل ما يمشوا-

فهد بص لحور بصة تحدي

و فارس بص لحبيبة بصة غضب

و بعدين مشيوا..

الدكتور دخل..

الدكتور:الانسة ممكن تخرج إنهاردة بس لازم راحة تامة...

ندي:شكرا يا دكتور..

ندي:انتي لازم تأخدي إجازة من شغلك يا حبيبة..

حبيبة:انا قدمت استقالتي و بسبب استاذ زفت محمد مكنش حصل اللي حصل..

حور(بتساؤل):ايه اللي حصل؟

حبيبة:هاحكي لما نروح..

حور:ماشي..

ندي:هتصل بمنة..

حبيبة و حور:اوك..

حور ساعدت حبيبة علشان تمشي و ركبتها العربية..

ندي بتتصل بمنة.. لكن منة مردتش..

ندي:اوف يا ربي بقي ما تردي الله..

الخط فتح..

منة:ايه في ايه مش قولتلكوا محدش يتصل و انا في الشغل..

ندي:حبيبة عملت حادثة و هننقلها للبيت بتاعنا تعالي علي هناك..

منة:إيه عدوا عليا بسرعة هاجي معاكوا..

ندي:ماشي..

ندي ركبت العربية.

ندي:حور روحي لمنة الشغل نجيبها معانا..

حور:اوك..

و حور مشيت بالعربية و كانوا مشغلين اغاني و هايصين و لا كإن حبيبة عملت حادثة و قاعدين بقي هايصين ???

حور وصلت لشغل منة و رنوا عليها..

الخط اتفتح..

منة:خلاص جاية.... و قفلوا..

منة ركبت و روحوا كلهم علي بيتهم..

و طلعوا شقتهم...

في مكان تاني..

فهد و فارس في العربية.

و فهد سايق و سرحان في اللي قدرت تمد ايديها عليه...

و فارس مضايق علشان كلام حبيبة...

وصلوا البيت..

فهد اول ما دخل طلع علي اوضته من غير كلام..

اوضته كانت من اللون الاسود و كانت واسعة اوي..

إيناس(والدة فهد):ماله فهد يا فارس؟

فارس مسمعهاش لانه كان سرحان...

فإيناس نادت عليه..

إيناس:فااااااااااارس

فارس:إيه في إيه الله..

إيناس:قاعدة عمالة انادي عليك و مبتردش.

فارس:ماشي طيب سلام..

إيناس:تعالي هنا يا ولد..

فارس:اوف نعم..

إيناس:شوفلي أختك جودي فين بتصل بيها مش بترد..

فارس:هي بنتي و لا بنتك انا مالي...

إيناس:فاااااارس هتتعدل و لا اقول لفهد..

فارس:بتقولي حاجة يا ست الكل عيوني و ثواني و تلاقي جودي قدامك..

إيناس:ناس مبتجيش الا بالعين الحمرا..

فارس:الله يسامحك..

في مكان تاني..

جودي كانت قاعدة في مكان و كل ما تفتكر البت اللي خبطت فيها الصبح تغضب اوي..

-ايوه اللي جودي خبطت فيها هي حور و اللي حور خبطت فيها هي جودي ??

انچي(صاحبة جودي الفاسدة):ما خلاص بقي يا جودي دي واحدة متستاهلش تفكري فيها..

جودي:لازم اعرفها مقامها كويس انا جودي يتقالها زبالة و مكاني في الزبالة.. عااااااا(غضبانة)

كرم(صاحبهم الفاسد):خلاص بقي فكك تعالوا نروح نسهر في ديسكو بليل..

جودي و انچي:اوكي..

و كل واحد روح بيته....

في بيت فهد..

فهد كان بيلعب ملاكمة في غرفة التمارين و كان متعصب...

دخلت الخادمة و بتقوله::

الخادمة:فهد بيه العشاء جاهز..

فهد:ماشي...

كان الكل متجمع عليالسفرة

فهد دخل عليهم.. و قعد معاهم

عبد الحميد(والد فهد):عملت إيه في الصفقة؟

فهد:تمام **بناها....

عبد الحميد:ماشي و انا ناوي اسافر لندن علشان الشغل و هأخد امك معايا..

فهد:ماشي..

فارس:هتدلعي يا سوسو..

إيناس:ولد احترم نفسك..

عبد الحميد:ههههههه علشان تعرفي إني مش حارمك من حاجة...

إيناس:ربنا يخليكي ليا يا حبيبي...

جودي:و انا مليش في الحب نصيب..

عبد الحميد:ده إنتي قلبي يا بنت..

جودي:اضحك عليا اضحك..

وضحكوا كلهم ما عدا فهد اللي كان سرحان في حور...

في شقة البنات...

حور غيرت هدومها لترنج بيتي قصير

و منة غيرت هدومها لعباية بيتي قصيرة

و ندي غيرت هدومها لتيشرت و بنطلون بيتي

حبيبة غيرت هدومها لشورت قصير و تيشيرت بنص

و قاعدين بيتكلموا و بيضحكوا..

و فجأة تليفون حور رن... حور بتبص علي التليفون لقيت يوسف أخوها اتصل عشر مرات و اهي ال 11

فتحت الخط بسرعة...

حور:الو..

يوسف:انتي فين ياحور قلقتينا عليكي..

حور:آسفة اصل حبيبة عملت حادثة و قعدنا كلنا معاها فنسيت اقولكوا اني هبات برا

يوسف:اممممم مش مرتاحلك يا حور..

حور:لا و الله مش بكدب..

يوسف:طب خلي بالك من نفسك و لو في حاجة قوليلي ...

حور:حاضر يا احن اخ في الدنيا...

حبيبة:يا سلام علي الحب..

حور:اسكتي يا بت..

منة:ها احكوا ايه اللي حصل..

حبيبة حكت كل اللي حصل و اللي استاذ محمد عمله...

حور:برافو عليكي انك قدمتي استقالتك..

ندي:الف مكتب يتمناكي..

منة:طبعا انتي ممتازة في شغلك..

حبيبة:بس انتي عملتي الواجب و زيادة مع اخو فارس...

حور لمجرد انها افتكرت انها اخدت حق صاحبتها لانه قال هنعوضها..ضحكت بابتسامة انتصار..

منة:لحظة لحظة مين اخو فارس؟؟؟

ندي حكت كل اللي حصل و ض*ب حور لفهد و طبعا زودت التاتش بتاعها و قالت كمان..

ندي:ده حتة سكر يا منة طول بعرض دقنه حلوة يخربيت جمااله بجد...

حور(بسخرية):ده شكله زي بوز الإخص انتي اللي اوڤر....

حور:بس عجبتيني يا حبيبة لما رزعتي الواد كلمتين...

حبيبة و حور قعدوا يضحكوا..

و منة مش فاهمة اي حاجة

منة(بتساؤل):حصل ايه تاني؟؟

ندي قالت لها علي اللي حبيبة قالتله لفارس..

و قعدوا هما الاربعة يضحكوا للساعة 2 بليل

و بعدين دخلوا و ناموا....

و بكدة انتهي الفصل التاني طويل شوية..