"Okay ka lang?"
Kaagad akong napalingon sa aking likuran nang biglang bumukas ang pinto ng silid at pumasok si Cail. Kasunod sa kanyang likuran ang kanyang asawa.
"Hi." Kaagad akong napatayo. Hawak ko ang phone na ibinigay sa akin ni Charlie at susubukan ko sanang tawagan si Claude.
"I never thought Charlie would surprise me here. How are you, Lhevyrose?" saad ni Rick habang todo ngiti. Naiiling siya na tila hindi makapaniwala sa natuklasan niya ngayon.
"O-okay naman. Kahapon lang din naman kami dumating dito m-mula sa probinsiya."
"Did Charlie go to Mindoro?" hindi niya makapaniwalang tanong. Si Cail naman ay tahimik na naupo sa sofa.
"Ahm, s-sinundo ko siya...p-para sa anak namin." Napayuko ako.
Hindi lingid sa kanyang kaalaman kung gaano kaayaw sa akin ni Charlie noon. At hindi
