KUMIKINANG ang mga hinugasan ni Dominic na baso nang itinaob iyon. Maayos din niyang isinalansan ang mga hinugasang pinggan. Magkakasunod pa iyon ayon sa laki.
“Aba, napakahusay nitong si Matmat sa gawaing-bahay,” impressed na sabi ng Tita Jean niya.
“Dominic, Tita Jean. Malaki na ako. Parang nakakahiyang Matmat pa rin ang tawag sa akin.”
“Aba, naman, conscious na pati sa pangalan itong pamangkin ko.” Kadarating lang ng mga ito mula sa ospital kung saan regular nang sinasamahan ang inay niya.
Nalulungkot siya na hindi mabuti ang kalusugan ng inay niya subalit ano ba ang magagawa niya maliban sa akuin ang mga gawaing-bahay na dati ay inaako nito lahat. Wala namang pasok nang araw na iyon kaya naman mula nang magising siya ay inasikaso na niya ang pagsisinop sa munti nilang bahay. Maa
