(CEJE'S POV)
Pagdating sa lunsod ay parang nanibago ako klima..Parang sobrang init dito sa lunsod. Ibang-iba ito kumpara sa Isla Canar. Sobrang dami ring mga tao at mga sasakyan. Hindi ko tuloy alam kung saan ako sasakay. Ngunit kailangan kong magtanong at lakasan ang aking loob. Hindi puwede ang hiya-hiya sa panahon ngayon. Sarili ko lang ang makakatulong sa akin at wala nang iba.
Nang may makita aking matandang babae ay agad akong lumapit dito. Mabilis kong pinakita ang address na binigay sa akin ng ama ni Kimelines.
“Malapit lang dito ‘yan sa terminal. Puwede mo lang siyang lakaran, ineng. Tingnan mo ang daan na ‘yan! Nakikita mo ang squatter area na ‘yon. Doon ka magtanong at agad nilang iituturo sa ‘yo ang address na nasa papel mong hawak.” Agad naman akong nag-thank you sa babaen
