Jacquiline Villanueva
“Magkakaayos din kayo.” wika ni Spade sabay ngiti. Andito kami ngayon sa waiting shed. Hindi ko alam kung saang lugar ito pero dito niya ako dinala. Habang nagpapatila kami ng ulan ay sinabi ko sa kaniya na may hindi kami pagkakaintidihan ni Blake pero hindi ko pinaalam ang rason. Alam ko namang hindi niya alam kung ano ako para kay Blake.
“Salamat.” Tanging naisagot ko. Ilang minuto ang lumipas at tumila rin ang ulan.
“Ihatid na kita sa condo niyo. Basang-basa kana din oh. Kailangan mo ng magpalit. Baka magkasakit ka.”
Tumingin ako sa kaniya. Ayoko pa makita si Blake. Ayoko siyang makasama. Gusto kong lumayo, yung malayo sa kaniya.
“Ayoko pa umuwi.” Sagot ko.
“Eh saan ka pupunta? Masyado ng madilim.”
Huminga ako ng malalim. Kakapalan ko na ang mukha ko.
