Nang lulan na sila sa kanilang kotse, hindi na nilulubayan ng titig ni Felicity ang asawa habang nagmamaneho ito. Malayo na sila sa dalampasigan at nagsimula na ring lumubog ang araw. Napansin niya na panay ang sulyap ni Conrado sa kanya at nakapaskil sa mga labi nito ang matamis na ngiti. Bigla namang binitiwan ng isang kamay nito ang manibela para mahawakan ang kamay niya. Ngunit walang ni isa sa kanila ang nagsasalita sa byahe. Di bale may kasabihan naman na "action speaks louder than words" kaya bahala na kung hindi man siya kakausapin ng asawa. Anyway, kuntento na siya na nakahawak ang isang kamay nito sa kamay niya sa halip na sa manibela ito humawak.
Dumaan muna sila sa simbahan dahil may dadaanan raw si Conrado na isang kaibigang pari. Sinalubong naman agad sila nito.
"Oi! Si Fat
