Chapter 43
Josephine’s Pov
NAKATULALA lang ako sa kisame habang nakahiga. Hindi ko talaga magawang makatulog sa mga nangyari kanina. Inaantok na ang mga mata ko pero hindi ko magawang ipikit ang mata ko dahil nakikita ko si Ms. Veronica na umiiyak.
Kanina pa nangyari ang ‘yon pero hindi ako mapakali. Iniisip ko ang babaeng yun dahil alam kong masakit para sa kanya na makitang may hinalikan ang fiance niya.
Tumagilid ako ng higa at humarap ako sa bintana. Hindi ko isinara ang kurtina kaya nagkakaroon ng liwanag ang kwarto ko mula sa buwan. Naririnig ko din ang ingay sa labas mula sa mga guest na nagsasaya pa hanggang ngayon kahit 12AM na.
Nakabukas naman ang aircon kaya hindi masyadong dinig ang mga boses kaya ayos lang. Nasanay naman na din ako marinig ang boses nila dahil malapit
