Carmen’s pov
HINDI mapigilang magtaka ni Carmen sa mga biglaang desisyon ni Georgia na dati naman ay sinasabihan siya nito lalo pa at alam niya naman ang sekreto ng pamangkin. Hindi kaila sa kanya na si David pa rin ang mahal nito at malabong mahalin nito si Marvin. Ngayon ay iba ang nakikita niya. Hindi ito nagiging palakibo at iniiwasan siya na dati naman ay ito ang lumalapit sa kanya upang magtapat ng saloobin. Namimiss niya ang madalas nitong pakipagbiruan sa kanya. Sila ang nagpalaki dito kaya kilala niya ito. Maging ang kanyang mga kapatid ay nagtaka rin dahil sa biglaang magsasama ng dalawa.
Habang wala si Marvin ay nilapitan niya si Georgia pero nagdahilan ito na may gagawin sa silid nito. Ang mga mata nito ay nagiging mailap. Tila may gusto itong sabihin na hindi masabi. M
