David’s pov
TATLONG oras na siyang naghihintay sa operating room pero wala pa rin ang doctor na nag-opera kay Georgia. Abot langit na ang kabang kanyang nararamdaman. Napatayo siya nang makita si Tita Carmen. Agad niya itong dinaluhan. Maga ang mata nito dahil sa pag-iyak.
“Si Georgia? Kumusta siya?” tanong sa kanya ni Tita Carmen.
“Wala pa ring balita,” sagot niya. Inalalayan niya ang matanda na umupo sa tabi niya. Kailangan niya ang paliwanag nito. Kailangan niyang malaman ang totoong nangyari. “Wala pa rin ang doctor na nag-opera kay Georgia.
Napahagulhol si Tita Carmen sa kanyang sinabi.
“Anong nangyari Tita Carmen? Sino ang bumaril kay Georgia?” tanong niya.
Umiling-iling si Tita Carmen. “Nagulat na lang ako dahil nagwala si Marvin. Hindi ko alam ang pinag-awayan nila,” um
