NAGISING ang magkaibigang Carl at Ben sa isang lugar na hindi pamilyar sa kanila. Walang kamalay-malay ang dalawa sa kanyang plano. Kailangan niyang maunahan si David kaya nakipagkita siya kay Carl at Ben upang makipag-inuman. Alam niyang hinahanap ni David ang dalawang kaibigan nito. Kailangan ay mawala na sa landas niya ang mga taong pwedeng sumira sa mga plano niya.
Ang hindi alam ng mga ito ay may halong pampatulog ang inumin na kanyang ibinigay. Dinala niya ang mga ito sa rest house niya sa Antipolo.
Nakatayo siya habang pinagmamasdan sina Carl at Ben na nakaupo sa monoblock chair at nakatali sa upuan. Siniguro niyang hindi makakatakas ang mga ito. Nasa bodega sila ng mga oras na iyon.
“Anong ibig sabihin nito?” sigaw ni Carl sa kanya. Sabay na nagising ang dalawa. Si Ben a
