MEG
Tama nga ang sinabi ni Gray, mas komportable ang bagong bahay na nilipatan namin sa loob ng isang subdivision. Hindi man ito kasing ganda ng lugar kung saan nakatayo ang mansyon ko ay ayos na ako dito kumapara sa apartment na inupahan namin na napapaligiran ng mga mahadera at tsismosa gaya ni Aleng Rita.
"Napagod ka ba?" malambing na tanong ni Gray na hinaplos ang balikat ko.
"Hindi naman, ayos lang ako. Nag-enjoy nga ako eh," nakangiti na sagot ko habang nakatayo sa veranda dito sa second floor ng bahay sa labas ng master bedroom na siyang silid namin ni Gray.
"Magandang simula natin ito at nang magiging baby natin. Hindi na tayo uupa ngayon at may sarili na ulit tayong bahay gaya ng pangako ko sa'yo," masayang sabi ni Gray na niyakap ako ng tuluyan mula sa likuran ko.
Kukurap-k
