Pasikreto akong kinausap ni Doctor Perez pagkalabas namin mula sa hospital room ni Dylan. Bagsak ang magkabilang balikat ko habang sinusundan ko siya ng paglalakad. Huminto kami saglit sa isang pasilyo.
“I’m sorry to tell you this Mrs. Dela Torre but your husband is manifesting signs of retrogade amnesia.” Ginapangan ako bigla nang takot at walang pagsidlang kaba.
“Isa itong uri ng amnesia kung saan nakakalimutan ng pasyente ang mga recent events sa buhay niya,” pagpapatuloy pa niya. Napahawak ang kamay ko sa aking bibig. Ilang minuto akong tinakasan ng mga salita. Hindi matanggap ng pagkatao ko ang mga nalaman ko.
“Masyadong malaki ang nakuhang trauma ng utak niya dahil sa nangyaring aksidente kaya siya humantong sa ganitong kondisyon.”
Umawang ang labi ko ngunit nanatiling walang lum
