#عشقت_سائق_أبي / #البارت_الأول

1088 Words

#عشقت_سائق_أبي #البارت_الاول بقلم : - عمر يحيى _ ====================== في الصباح وفي أحد.احياء القاهرة القديمة وقعت أحداث قصتنا عمي أحمد الرجل صاحب ال٦٢عاما الذي كان يعمل سائقا لأحد كبار رجال الاعمال يجلس على مقعده بالصالة يتصفح جريدته ويطلع على اخر الأخبار . فاطمة تلك الزوجة التي تزوجت ابن حتتها عمي أحمد افندي السائق الخاص ل ( سعد بيه )رجل الاعمال تلك المرأة ربة المنزل ذات ال ٥٥ عاما ترتب تلك السفرة الصغيرة وتحضر الفطار لعائلتها . فاطمة تنادي هدى ... يا ...هدى هاتي باقي الفطار يابنتي وروحي صحي اخوكي عادل عشان ما يتأخرش على شغله . هدى فتاة بال ١٩ من عمرها تدرس بالسنة الاولى من كلية الهندسة بجامعة القاهرة . هدى حاضر ياماما جاية اهو هدى تطرق باب غرفة أخيها وتدخل عادل ياعدولة يادولا يالا عشان ماتتاخرش على شغلك عادل الشاب ذو ال ٢٩ عاما خريج كلية العلوم بطل روايتنا يفيق على مداعبة أخته الصغرى لانفه . عادل مبتسما ويداعب وجنتي اخته صباح الخير يا باشمهندسة لازم غلاسة كل يوم كده ? هدى يالا يابني ايه ال**ل ده قدامك عشر دقايق والا هاكل الأكل كله ? عادل لييه مربيين فيل عندنا ? هدى لا برنسيسة هدى من فضلك.☺️ عادل حاضر يالمضة جاي اهو واخرج من تحت وسادته مبلغ من المال وقال لاخته خودي دوول خليهم معاكي يا برنسيسة . هدى مانا معايا يا أبيه خليهم معاك ربنا ما يحرمنا منك يارب . عادل يابت امسكي مش عاوزك تحتاجي حاجة او يكون نفسك بحاجة وتحرمي نفسك منها ابدا امسكي . هدى حاضر يا دولا ربنا يخليك لينا يارب . عادل يالا روحي جهزي الفطار وعشر دقايق وهاكون جاهز وخرجت هدى تسبق أخيها لتحضر له الفطار . عادل ينهض أصبحنا وأصبح الملك لله ينهض يلملم فراشه ويرتبه ويأخذ ملابسه من الدولاب ويحمل منشفته على كتفه ويخرج من غرفته متوجها للحمام _ ◇■□●○◇■□●○◇■□●○ #وفي_فيلا_سعد_بيه أحلام تتقلب بفراشها وتدخل عليها الدادا لتوقظها دادا يالا يابنتي اصحي هتتاخري على كليتك أحلام صباح الخير يا دادا ماتسيبيني انام شوية كمان الدادا يابنتي شوية ايه بس قومي بلاش **ل هتتاخري وسعد بيه هيبهدلني أحلام تنهض من فراشها حضنت الدادا ودخلت حمام غرفتها وغسلت أسنانها وخرجت لتفتح دولابها وتخرج منه ملابسها . بدلت أحلام بيجامتها بلباس خروجها للجامعة فهي فتاة بال ٢٢ من عمرها بالفرقة الثالثة إدارة أعمال . تهبط أحلام عالدرج تجد باباها سعد بيه رجل الأعمال و مامتها انجي هانم وطارق الفتى الذي يدرس بالمرحلة الثانوية بإحدى المدارس الخاصة. صباح الخير يابابي صباح الخير يا مامي صباح الخير ياطروقة انجي صباح النووور ياقلب مامي سعد صباح الخير يالا افطري عشان عادل على وصول هيوصلك الجامعة أحلام وانتا هتروح الشركة ازاي يابابا سعد هنروح بعربية ماما وعادل هيوصلك وهيرجعك الفيلا أحلام وقلبها ينبض فرحا فهي تحب عادل من داخلها لكن لا تبوح بحبها له فهي تعرف كبرياءه وكيف يجاهد من أجل اهله وحارم نفسه من متعة الشباب اللي بسنه رغم أنه خريج جامعة أحلام حاضر يابابا سعد وانتا يا طارق كمل فطارك وروح مدرستك الباص هيعدي ياخدك وخلي بالك.من نفسك وذاكر دروسك. طارق حاضر يابابا يالا افطروا بسرعة وانا هاشرب فنجان القهوة واخرج مع ماما وتناول الجميع فطارهم قبل مغادرة الفيلا _ ◇■□●○◇■□●○◇■□●○ #وفي_بيت_عمي_احمد فاطمة هدى يا هدى يالا جهزي حالك انتي كمان وتعالي افطري عشان اخوكي ياخدك بسكته فاطمة يا ابو عادل عامل ايه يا حبيبي ارتحت شوية احمد اهو بامشي على العلاج يا فاطمة وبارتاح عليه فاطمة بالشفا يا حبيبي ربنا يديمك فوق راسنا احمد من ساعة ماسبت الشغل وعادل اشتغل مكاني وانا حاسس بالعجز والخنقة امتا ربنا يفتكرني واريحكم من همي فاطمة تضع يدها على فم احمد بعيد الشر عنك ياكل حاجة ليا بالدنيا ربنا يجعل يومي قبل يومك ولا يحرمناش منك احمد ربنا يخليكي ليا ياست الكل ولا يحرمني من حنانك ويقبل يدها وهي تمسح دموعه عادل خرج من غرفته في كامل اناقته فهو شاب وسيم أشقر ذو لحية بنية وبنية قوية كانه من أبطال الملاكمة . عادل ايه ده خيااااانة عالصبح بطتي ومع عمي احمد فاطمة صباح الخير يا حبيبي كل يوم جو الافشات ده عالصبح احمد تعالى جنبي يا بني يالمض ? عادل يقبل ايد وراس مامته صباح العسل ياعسسسل احمد ولد ايه عسسل دي انا بس اللي من حقي ادلعها واقولها ياعسسل يا سكر هدى تخرج من المطبخ بالفطار هدى ايه جو الرومانسية ده وكمان من غيري ايه يا حاج بابا وانا ماليش في برطمان العسل ده فاطمة تنفجر بالضحك تعالي يا مفعوصة انا برطمان عسل تركض هدى نحو أبيها محتضنة اياه احمد يا عروستنا ده انتي العسسل كله ونوارة البيت وباشمهندسة كمان ❤ عادل طب يالا ناكل عشان مانتاخرش بقا هدى دي غيرة ولا ايه ? عادل واغير لييه بقا ده انا اللي بالقلب متربع ☺️❤ هدى لا يا حبيبي ده انا الدلوعة هنا احمد منفجرا بالضحك هو كمان من أفعال أولاده يالا الفطار برد _ ◇■□●○◇■□●○◇■□●○ #وفي_فيلا_سعد_بيه أحلام تحمل كتبها وتستعد للخروج وتتطلع بالمرآة لتتزين لتظهر بصورة الأميرة الجميلة طارق حمل شنطته وخرج وركب باص مدرسته ورحل سعد بيه شرب فنجان القهوة مع زوجته المهندسة انجي وهموا بالخروج سويا سعد يالا احنا خارجين يا بنتي عاوزة حاجة لا لا ميرسي يابابا باي في بيت عمي احمد تناول الجميع فطارهم و وهم عادل بالخروج وقبل أن يرتدي سترته اخرج من جيبه مبلغ من المال وقال لامه خودي ياماما شوفي لوازمك واشتريه فاطمة يابني خيرك مغرقنا والفلوس معايا من الاسبوع اللي فات لما احتاج حاجة هاقولك عادل ياماما امسكي الخير موجود الحمد لله خليهم معاكي برضه فاطمة ربنا مايحرمنا منك يابني باس ايد مامته ورأس باباه وقاله محتاج حاجة مني يابابا احمد باسه من جبينه ربنا يخليك لينا يا حبيبي ولا يحرمنا منك وخرجت دمعة من عينيه انتبه لها عادل . مالك يابابا فيك حاجة قولي لييه الدموع دي احمد مافيش يابني زعلان على حظك والحمل اللي شيلتهولك ومرضي اللي حرمني اكون جنبك وسندك عادل بابا ايه الكلام ده كله من خيرك وكفاية عليك لحد كده تعب وبهدلة كبرتنا وعلمتنا وخليتنا ينضرب بينا المثل في الحتة وخايف عليا اردلك ذرة صغيرة من تعبك وباس راسه وقاله ربنا يخليك لينا يا أحن أب بالدنيا . راح غمز عادل لباباه قاله خلي بالك من بطتي قلقان من جو الرومانسية اللي شوفته عالصبح ده وانا كمان سايبكم على انفراد ضحكت فاطمة ورفعت يدها للسماء تدعوا لأولادها راح وكزه احمد في كتفه وقاله امشي يالا من هنا وماتقولش بطتي تاني??? هدى تضرب كلا** العربية يالا يا دولا هتاخر عالمحاضرة . نزل عادل من بيته وركب عربية سعد بيه واخد اخته هدى بطريقه ليوصلها للجامعة وتحرك بالسيارة قاصدا طريق عمله ..... تفاعل ب تم واضغط متابعة لنستمر بباقي الرواية عايز 500 كومنت عشان اتشجع واكمل _________ بقلم عمر يحيى

Free reading for new users

Scan code to download app

App Store Google Play

Facebookexpand_more