عشقت اسد الصعيد

عشقت اسد الصعيد روايه رومانسيه صعيديه البطل من الصعيد اسمه اسد والبطله وتين بنت عمه جايه من امريكا ابوها اصله من الصعيد

في صباح يوما جوه لطيف وشمسه مشرقه ذهبيه تلمع لها العينين عند النظر اليها وصوت العصافير اللطيفه تزقزق بصوتها الجميل واصوات المياه التي تسقي المحاصيل الزراعيه تشبه صوت المياه عند سقوطها من فوق الشلال يستيقظ اسد الصعيد( بطل الروايه )الذي اطلق عليها اهل بلدته هذا الاسم........

الحلقه الاولى........❤️??

_الام :اسد ولدي جوم يا ولد وكفايه نوم علي أجده اسد اسد جوم بجي كفايه نوم

اسد :صباح الخير يا حجوج

الام :صباح الخير يا ولدي بس بلاش كلمه حجوج دي

اسد:اي يا حجوج علي الصبح مالك بس يا جمر الناس بتكبر وانتي بتصغري

الام :مانيش عارفه اي كلمه حجوج الي طلعتلنا فيها دي

اسد :ماشي يا حجه نعمه كدا ارتحتي عارف انك بتموتي في اسمك وما بتحبيش حجوج بس بهزر معاكي

_نسيت اعرفكم اسد مز الروايه قصدي بطل الروايه .......السن 27سنه ظابط شرطه كليته كانت في القاهره علشان كدا بيتكلم زي سكان المدن .... ابيض عنيه ملونه لونها ازرق صافيه زي مياه البحر شعره اصغر ذهبي ...مش طويل اوي ... رياضي ...بنات الصعيد كلهم هيتجننوا عليه لأنه درس في الجامعه الامريكيه في القاهره ...راجل بمعني الكلمة... شخصيه محترمه ...ملوش اي تجارب مع البنات يعني الي بحبها هيجوزها طبعا البنات الي بتقرء الروايه تجهز نفسها هنلبس فساتين قريب هيهيهيهي بهزر طبعا المهم نكمل الحجه نعمه ام اسد مرات الحج مرعي ست مؤمنه قريبه من ربنا جدا ...... نكمل

الحجه نعمه :هزر هزر وابوك الحج هيهزر معاك تحت عملتله اي من ساعه ما فاج من النوم وهو عمال يسال عليك

اسد : بوه بوه هو اي الي حوصل ع يسأل عليا بكير أجده

الحجه نعمه :الله اعلم استلج وعدك

اسد : حاضر هاخد دوش وانزل أشوف ماله

الحجه نعمه: بس بسرعه يا ولدي عشان عمال يسال عليك....

_بتنزل الحجه نعمه وتسيب اسد وهو عمال يفكر أبوه عايزو في اي

اسد في سره :عملت اي يا اسد ينهار ابيض هو الي حوصل ينهارك الي زي وشك يا اسد

_وفي النهايه بياخد دوش ويقرر أنه ينزل تحت

_نسيت اعرفكم بالحج مرعي ابو رعد راجل صعيدي عنده 60سنه لونه اسمر ملامحه حلوه جدا معروف جدا بين الناس أنه نقي بيحب الخير لكل الناس بيراعي ربنا جدا بيساعد الفقراء ويبر اليتامي شخصيه قويه بيحب العادات والتقاليد بتاعه زمان ومؤمن بيها جدا ودائما علي خلاف أن الواحد يتزوج حد غريب ودا الي هنعرفه مع اخوه دياب ......

اسد :فين ابوي يا حجه

الحجه نعمه :عندك في المنضره

اسد : صباح الخير يا بوي

الحج مرعي :صباح النور يا ولدي اجعد عايز اتحدد

معاك في موضوع أجده

اسد بصوت واطي :استر يارب خير

الحج مرعي:بتجول حاجه يا ولدي

اسد :لا يا حج متاخدش في بالك ها كنت عايز اي

الحج :.........

_نسيبهم يتكلموا شويه وندخل علي المزه قصدي بطله الروايه اسمها وتين .......

_وتين السن 24سنه بيضه وعنيها خضره زي لون الخضره شعرها طويل ومش محجبه مخلصه كليه تجاره متربيه في امريكا طبعاً واخده طبع امريكا وطبع الغرب أن اي حد مش متعلم يبقي فلاح واي حد محجب فلاح ومش متحضر ..عايشه في امريكا من 14سنه يعني عاشيه معظم حياتها هناك ومتعصبه جدا ...

-ابو وتين ....:نجلاء نجلاء

نجلاء..... (ام وتين ):نعم

ابو وتين :كلمتي وتين وحور علي اننا هنزل الصعيد

نجلاء:لا لسه البنات بايتين بره عند اصحابهم لما يرجعوا هبلغهم

دياب....:ماهو البيات بره دا من أسؤء عادات امريكا انا لازم اجوز وتين لاسد ابن اخويا مرعي وهو الي هيعرف يحكمها لازم البنات يتربوا في الصعيد

نجلاء....:مش عارفه اي هيكون رد البنات علي القرار دا

وتين ....:هاي ..مين الي هيتجوز !!!

نجلاء ...:اهو اللبنات جوم كلمهم انت بقي

وتين ...: يكلمنا علي اي وكمان ما عرفتش مين الي هيتجوز اي بابا بتفكر تتجوز علي ماما ولا اي ?اي يا ماما بابا عايز يتجوز عليكي ولا اي كبرتي يا ماما ولا اي لا يا بابا ماما لسه زي ماهي في عز شبابها ولا اي ما تتكلمي يا ماما

_نعرف دياب الاول ابو وتين وحور عنده 56سنه واهو الجخ مرعي عايش في أمريكا لكن اصله من الصعيد بقاله فتره كبيره هناك اتجوز نجلاء الي هي من مصر والي اخوه كان وأبوه كانوا ممانعين جوازه ع كدا سافر امريكا ....

-نجلاء....:مرات دياب السن 50سنه من القاهره وعايشه في أمريكا مع جوزها وودلاها وتين وحور طيبه جدا لكن غلطها الوحيد قدام أهل جوزها انها مش من الصعيد ...نكمل بقي الروايه ...?

دياب ....:اسمعي بقي يا وتين انتي وحور احنا لازم ترجع الصعيد وكمان لازم تتجوزي اسد ابن عمك مرعي ودا اخر كلام مفيهوش نقاش

وتين ....:بابا انت اكيد بتهزر صح اسد مين الي اتجوزوا لا مستحيل وصعيد اي الي اعيش فيها انت اكيد بتهزر صح ?

دياب ....:الكلام انتهي ويلا ادخلوا جهزو الشنط السفر كمان 8ساعات وانا خلصت كل حاجه هنا ونقلت كل حاجه تخصنا

وتين ...:وانا مش هتجوز اسد انا بحب اثر وهنتجوز

دياب :اخرصي شوفي تربيتك يا نجلاء جهزو الشنط ويلا

_طبعا الكل هيسال واي راي حور في الموضوع دا وليه ما اتكلمتش مع انها كانت ممكن تتكلم زي وتين

_نعرف حور الاول انت وتين عندها 20سنه مش محجبه زي وتين لكن تفكيرها مختلف عنها خالص ...متحضره لكن فيها شويه حجات من وتين زي التعصب مش زيها بنفس المقدار متعوده أنها تعيش في اي مكان بتحب السفر وأنها تعيش في اماكن كتير وفي اي مكان بتتاقلم بسرعه علي الناس بتحب تعرف كل حاجه عن الناس وعن الأماكن الجديده وتسكشف الاماكن .....

_بعد التعريف دا اكيد عرفنا ليه حور ما عرضتش رأي ابوها بالع** حابه الفكره جدا ..

.

_بيدخل الاب والام يجهزو شنطهم ويتدخل وتين وحور يحهزو شنطهم

وتين :حور انا مش هسافر أن بحب اثر وهتجوزا

حور :انتي اكيد سمعتي كلام بابا وعرفه أنه م**م

وتين ....:اسد مين دا الي هتجوزو دا جاهل زي بتوع الصعيد

حور : نسافر وبعدين يبقي نشوف موضوع الجواز دا يبقي نكلم اثر ينزل ويبقي نضغط على بابا أنه يخليه يوافق عليه

وتين ....:عندك حق

_نرجع بقي للمز بتاع الروايه قصدي اسد ?

اسد ....:اي يا حج اخيرا عمي دياب راجع من السفر اخيرا هيبطل غربه ويجي

مرعي :اه يا ولدي هيركبوا كمان 8ساعات وبعد اما يوصلوا تروح المطار تجيبهم يا ولدي

اسد : حاضر يا حج هروح اجيبهم

دياب :تسلم يا ولدي

_بيعدي ال وقت ومعاد الطياره بيجي واسد بيشوف عمه ومرات عمه وعياله عمه و..........

كدا الحلقه الاولى خلصت استنوا الحلقه الثانيه .. وقولوا رأيكم في الحلقه دي

ويا تري اي هيكون رد فعل وتين اما تشوف اسد ؟؟؟

ويا تري اسد هيعمل اي اما يشوف وتين ؟؟!وهل أن راي مرعي هيتغير في نجلاء ولا لا ؟؟؟وياتري أن وتين هتغير رأيها لما تشوف اسد ولا لا!؟؟؟

قولاوا رأيكم ......❤️?