"WALA namang masamang magmahal, Kara. Ang amin lang, bakit mo pa itinago sa amin. Hindi tayo aabot sa ganito kung noong una pa lang, sinabi mo na sa amin na may manliligaw ka. Hindi iyong makikita namin sa social media iyong picture niyong dalawa habang naghahalikan..."
Napabaling si Kara sa Kuya Karlos niya na diretso ang tingin sa kalsada habang nagmamaneho ng sasakyan. Kanina pang nakahalukipkip si Kara sa kinauupuan at wala siyang kakayahang ibuka ang bibig dahil sa hiya sa nakakatandang kapatid.
Sa mga puntong iyon, hindi alam ni Kara kung ano ang isasagot dito. Nalunok niya yata ang kaniyang dila dahil hindi niya magawang ibuka ang bibig para masagot ang Kuya Karlos niya. Palihim siyang bumuntong-hininga at bumalik ang tingin sa labas.
"Mahal mo ba talaga ang lalaking iyon?" maya
