ALICE
Saktong alas kwatro na noong dumating kami sa venue ng kasal. Hindi pa naman ito nagsisimula. Ano pa ba kasi ang inaasahan ko sa isang pinoy event?
Pero halatang nagmamadali na ang lahat at maayos na rin na nakaupo ang mga bisita.
"Go, hurry!" sabi ko kay Eric nang matapos na niyang iparada ang sasakyan.
Nagmadali naman siya sa pagbaba at mabilis na tumakbo patungong altar.
Garden wedding ang tema ng kasal nila Ate Althea at Kuya Kurt. Dito tunay ang mga halaman na nakasabit sa mga kable na nagmistulang kisame, nasa lupa nakalatag ang carpet nila, at preskong hangin ang nasa paligid namin.
Tanaw ko mula rito sa daan ang altar, mababaw na gate lang naman kasi ang nasa pagitan ng area mismo ng kasal at ng daan. Kitang-kita ang kabado na si Kuya Kurt at si Eric na kararating la
