ALICE
Mainit at masikip. Nagising ako ng dahil sa pawisan kong katawan. Napakamot ako ng mukha nang nakaramdam ako ng tumutulong pawis sa gilid ng aking pisngi. Nakasara pa rin ang mga mata ko pero ramdam na ramdam ko ang makapal na kumot na nakabalot sa akin.
Kaya naman pala napaka-init.
Puwersahan kong inalis ang nakapulupot na kumot sa katawan ko. Nahirapan akong alisin ito dahil maliban sa nakapulupot ito sa akin ay mabigat din ito dahil nga sa kapal.
"A-Alis," mutawi ko nang nainis na sa tagal matanggal nito. Pero sa huli, gamit ang buo kong lakas sa umaga ay naalis ko rin ang kumot sa akin.
Hinawi ko na ito sa kabilang dulo ng kama nang may sumagi sa kamay ko. Napahinto ang kamay ko nang maramdaman ang matigas at mainit na bagay na iyon. Doon ko lang din napansin na tila luma
