WALA si H, tamang-tama ang pagpunta ko sa mansion nito. Inabutan ko si Keia sa sala ng mansion. Pakiramdam siguro nito s'ya ang donya rito. Sa asta nito, napaghahalataang walang pinag-aralan.
"Ikuha mo nga ako ng juice, Inday." Pabagsak kong inilapag ang bag sa center table at umupo sa katapat na pwesto ng upuan nito.
Nag-angat ito nang tingin. Bakit napakadali sa babaeng ito ang umarte na akala mo ay inosente ito? Mabilis nitong nalinlang si H, samantalang mukha naman talaga itong bayarang babae.
"May kailangan kang ipagawa?" pati boses nito, parang hindi makabasag pinggan. Akma na akong magsasalita nang nagpatuloy ito."Eh 'di, ikaw ang gumawa." Kasabay no'n ay ang ngising simula pa lang noong unang kita ko ay halos kumulo na ang dugo ko.
"Sinasabi ko na nga ba, nagpapanggap ka la
