"Kumusta na ang pakiramdam mo?" tanong ni Mommy Andromeda. Ang aga nito sa silid ni Hendrix. May dalang pang-almusal.
Pumwesto kami nito sa coffee table. Titig na titig ito sa akin, halata pa rin ang pag-aalala nito.
"Physically fine, emotionally? I don't know po, parang roller coaster 'yong buhay ko simula ng maging parte si Hendrix ng buhay ko."
"Hiniling mo ba na sana hindi na lang naging parte ng buhay mo ang anak ko?" malungkot nitong tanong, natigilan ako saka bumuntonghininga.
"Oo na hindi,"
"What do you mean?" seryosong tanong nito.
"Oo, gusto kong bumalik sa normal ang buhay ko, pero hindi ko hiniling na sana hindi ko na lang s'ya nakilala. Iniligtas po ako ng anak n'yo sa auction house na iyon, iniligtas sa sunog. Siguro kung hindi ko s'ya nakilala, baka sirang-sira na
