"Nandito pala kayo." Ngiting-ngiti na sabi ni Batsy. Hindi naman halata siguro ang kamay ng lalaking ito na wala yatang balak tigilan ang ginagawa nito sa gitna ko.
"Careful," bilin ko kay Batsy nang sumampa ito sa bato. Si Abram na todo alalay sa kasama nitong babae ay mabilis na binitiwan iyon, at si Batsy ang inalalayan na muntikan nang madulas.
Napalingon kami sa kasama nitong bumagsak sa tubig dahil ito naman ang nadulas. Buti na lang napigil ko ang tawa ko eh.
"Charlene!" ani ni Abram na hindi alam ang gagawin, kung bibitiwan ba si Batsy, o pupuntahan si Charlene. Sa huli nagdesisyon itong maingat na ilapag si Batsy sa malaking bato, saka tinulungan si Charlene na mangiyak-ngiyak. Wari kasi itong napahiya dahil sa ayos nito ngayon.
Nang sulyapan ko si Batsy, may ngisi sa labi
