لحن الكبرياء

الفصل الخامس

انتبهت جنه لها وتنحنحت قائلة: روعه ..!! كنت عايزه روعه

خرجت روعه من وراء دعاء مرحبة بود: تعالي ياحبيبتي نورتي ..!! تعالي ادخلي للعروسه ..!!

حدثت دعاء نفسها بتساؤل: ياتري انا شوفت البنت دي فين ..!! ااااااااه دي اللي هشام بيجيبها دايما تقعد مع روعه بالساعه واكتر في الكليه ..!!

ماشي ياروعه حسابك معايا بعدين بتعزميها ليه اصلا تلاقي الزفت اخوها معاها وهو اللي جابهاا

!!!..

&&&&&&&&&&&&&&&&&

ياحبيبتي مالك قلقانه كدا اهدي بقالك ساعه رايحه جايه اقعدي شويه بقا الفستان كدا هيتبهدل

والمكياج هيبوظ هنجيب الكوافيره منين تاني تظبطهولك

فركت دينا كفيها بعصبية من فرط التوتر وهي تمشي بالغرفة ذهابا وايابا وقالت : ياهاله بقاله 8ساعات بيقولي هروح من عند الحلاق البس واجيلك علي طول ومن ساعتها موبايله مقفول هتجنن مش عارفه اوصله ..!!

هاله: لا بقا دا انتي فرحتك انك هتتجوزي سي أيمن جننتك ع الاخر ما جايز موبايله فصل شحن او اي حاجه عطلته اهدي

ردت امينه بقلق حاولت ان تخفيه قدر الامكان: اه قوليلها والنبي ياهاله ... هوذات نفسه قالها تليفوني هيفصل ..!!

هتفت دينا بتوتر بالغ: انا قلبي مش مطمن صدقيني في حاجه حصلت اكيد مصطفي عمله حاجه ...!!

نهضت هاله من مكانها وربتت ع كتف دينا بحنو تبثها بعض الطمانينه لعلها تهدأ: هيكون ايه اللي حصل خير ان شاء الله خلاص مصطفي انتهي من حياتكو متفكريش فيه كانت خطوبه سوده انسي بقا متبقيش قلوقه كدا ..!!

صاحت دينا بصوت عالي :

بس هو يكلمني او يفتح موبايله القلق هيجنني

!!..

رن هاتف دينا ففزعت وشقهت وهي تقول. : هو ....!! فتح موبايله وبيرنلي

كان رقم ايمن بالفعل ردت بلهفة وبسرعة :

ايوووووووه يا ايمن ياحبيبي كدا تقلقني عليك انت فين و ..........

&& مع حضرتك الضابط محمود رفعت يافندم

جف حلق دينا واقتضبت كلامها وتصبب العرق من جبهتها وارتعشت يديها وقالت بصوت متحشرج متقطع: أ ي م ن ... ايمن ماله

الضابط: البقاء لله حضرتك لازم تيجي تتعرفي ع الجثه لاننا مقدرناش نستدل ع اهله وحضرتك اخر رقم اتصل بيه و اتصالات متكرره بينكم

سمعت دينا كلمه ** جثه ** خارت قواها وسقطت مغشيا عليها

صرخت هاله وأمينه في نفس واحد برعب:

ديناااااااااااااااااا

حاولو افاقتها بكل الطرق حتي افاقت وهي تصرخ سألتها عن الذي حدث ولكنها تصرخ فقط تصرخ وتناديه بهيستريا

صاحت هاله بفزع رهيب: في ايه يادينا فهمينا بس

في تلك الاثناء ركضت دعاء وهبطت درجات الدرج بأعجوبة حتي وصلت لآسر حتي رأته امامها يتحدث مع احدهم فصرخت بأسمه بطريقة أرعبت قلبه خوفا عليها فركض إليها وفزع ذلك الشاب من صراخها وذهب معه .. ما كان هذا الشاب الا هشام ..!!

هتف آسر بذعر: دعاء انتي كويسه ؟!! في ايه ؟!؟!

اجابته بصوت باكي: الحق دينا اغمي عليها محدش عارف يفوقها ...!!! تعالي معايا والنبي شوفها بسرعه انتبهت دعاء لهشام الذي قطع نصف المسافة معهم حتي وصل لبوابة العمارة فنهرته بشدة: انت ..!! جاي تعمل ايه ؟!! خليك عندك هنا اوعي تفكر تدوس بيتي برجليك ...!!!

تعجب آسر من تلك النبرة الحادة التي حدثت دعاء بها ذلك الشاب الذي تعرف عليه منذ قليل وعلم انه يدرس الصيدلية فعرض عليه آسر ان يزوره بصيدليته قريبا ..!!

فصرخت دعاء به: يلا ياآسر وقفت ليييه بسرعه

!!!...

احتضنتها أمينه من جهة ومن الجهة الاخري روعه ووقفت جنه مصدومة غير قادرة علي اصدار اي رد فعل .... بعد مدة استطاعت ان تهدئ من روعها ولكنها ظلت تشير الي هاتفها بإصبع مرتعش ولم تستطع النطق أسرعت هاله وامسكت الهاتف وهمت بطلب الرقم الاخير فاجابها الضابط وقال لها ما قاله لدينا واخبرها بعنوان المشفي واكد عليها ضروره الحضور بسرعه ..!!

اغلقت هاله الخط وقالت بصوت مرتعش باكي :

دينا بصيلي مش هو انا متاكده اكيد في حاجه غلط انا متاكده والله استني متتسرعيش تعالي نروح وهتعرفي انه مش هو

صرخت دينا بحزن قاتل : لااااااااااااااااااا

فصرخت امينه وبكت بصوت ترتعش له القلوب حزنا

صرخت بها هاله لعلها تفيق وتستمع اليها : اهدو بقا عشان نعرف هنعمل ايه ..!! اهدي ياطنط انتي كمان بتعملي كدا المفروض تقويها اهددددي ...!!!

ثم نظرت في عينيها وامسكت راسها بحنان :

اوعدك مش هسيبك ثانيه يا دينا انا جمبك مش هخليكي تدخلي لوحدك واوعدك كمان انه مش هو....!!!!

نظرت لها دينا بيأس وبكاء مرير وقالت : مش هقدر اروووح مش هقدر والله صدقيني

قالت لها هاله بنبره واثقه: هتقدري وانا معاكي هتفت دينا بترجي: متسبنيش ياهاله انا واثقه فيكي مش هو صح اه مش هوووو مش ايمن لااااااءه

قالت هاله وهي تتصنع القوة : يلا عشان اساعدك تقلعي الفستان وتلبسي حاجه تانيه مش هتعرفي تمشي كدا ...!!!

تمسكت دينا بالفستان كأنه رمز أما نها ان ايمن بخير وقالت بهيستريا : لااااااااا مش هقلعه هروح بيه عشان هقابل ايمن هناك وهيقولهم ان في حاجه غلط وهو كويس وياخدني ونروح القاعه ونعمل فرحنا ونتجوز قالتها وهي تبكي وكاد البكاء ان يأخذ روحهااا ....!!!!

في احدي المستشفيات الحكوميه وقفت دينا امام غرفة المشرحة او بوصف ادق امام غرفة الرعب بقدمين مرتعشتين وقلبها يكاد ان يخرج من بين ضلوعها ودموعها تنساب علي خديها ببلوعة وحزن وبجوارها هاله ممسكة بها من كتفها بمحاولة بائسة منها ان تبثها بعضا من الأمان ولكنها فشلت فهي الأخرى تود ان تفر هاربه من ذلك المكان المخيف .... التف حولها الجميع والدتها وروعه ودعاء وآسر حتي هشام وجنه لم يغادراها ورافقاها بقلق حقيقي ....

قفزو من مكانهم خوفا من صوت الضابط عندما تنحنح قائلا : انا عارف ان الموقف صعب بس لازم تتعرفي عليه وتساعدينا ..!!

تحشرج صوت هاله وهي تسأله : هو ايه اللي حصل يافندم ..؟!!

رد بشكل رسمي : جالنا بلاغ ان في شخص مصاب بطلق ناري علي الطريق الصحراوي وفضل ينزف لحد ما مات ...!!!

انتفضت دينا وتعرقت وصرخت بوهن وتحركت بشكل عشوائي وترنحت من هول تلك الكلمة التي وقعت علي مسامعها كصخرة شديدة الثقل : لا مش هو انا متاكده ...!!!

هدئتها هاله قليلا وقالت بتوسل : اهدي يا حبيبتي اكيد مش هو تعالي بس نتاكد ..!!! يلا انا هدخل معاكي جوه مش هسيبك ..!!

أغمضت دينا عيونها المكحلة برهاب الفقد لحبيبها الغائب عن المكان .. الحاضر بقلبها وكيانها ...

فتحركت معها تقدم ساق وتؤخر ساق ...

هتف الضابط بجدية : شخص واحد بس اللي هينفع يدخل معاها ...!!!

اراد آسر الدخول معهن ولكن قابل الضابط طلبه بالرفض القاطع ودخلتا محتضنتان لبعضهم البعض

"!..

صاح الضابط بحزم وهو يشير بإصبعه : افتح يابني التلاجه وطلع الجثة ...!!!

فتح العامل احد الادراج واخرج الجثة فدفنت دينا راسها في ص*ر هاله غير قادرة علي النظر او حتي التخيل ...!!!

نظرت هاله بنصف عين ثم فتحت عينيها علي مصرعيها و صرخت بهيستيريا ... انتبهت حواس دينا وتصلب جسدها اثر صرخة هاله ولفتت راسها بحدة وتسمرت عيناها علي وجه الجثة ........

@@@@@@@@@@

جبتي الورق اللي طلبته ؟؟!!

زفرت أمل بضيق وهتفت: لا روحت ملقتهوش هناك ... فضلت قاعده مستنياه يجي ساعه والشغاله اخر ما زهقت مني قالتلي هو هيبات بره النهارده ....!!!!

اعتدل عماد في جلسته: انتي هتضحكي عليا ولا ايه مش عليا انا الشغل دا ؟!!! امل بقولك ايه اتعدلي احسن لك وامشي سليم معايا ...!!!

ردت وهي تخلع نعليها وتجلس امامه: مش من مصلحتي اضحك عليك انا روحي دلوقتي في ايدك

..!! انا اللي نفسي اخلص من الموضوع دا النهارده قبل بكره ...!!! لازم تفهم دا كويس ..!!

اشار بيده الي الباب بإهانه: انتي بتعملي ايه قومي انجري نامي بره الاوضه ...

نظرت له بغيظ وصاحت: انت زودتها اوي ياعماد ؟! انام فين انا دلوقتي ..!!

ارتدي نظارات القراءة الخاصة به وامسك بكتابه الذي قارب علي الانتهاء منه وقال بلامبلاة:

ميخصنيش انشالله تنامي في الحمام ...!!!

ظلت تتوعده داخل عقلها ولكن ما أظهرته هو النقيض فقالت بهدوء: حاضر ياعماد اللي تشوفه انت تؤمر ...!!!

نظر لها باستنكار من خلف زجاج النظارة وانتظرها حتي اعطته ظهرها وتقدمت بعض الخطوات وقال بصوت عال: استني عندك ..!!

تأففت بانزعاج والتفتت له وقالت وحروف كلماتها تخرج من تحت اسنانها: ايه تاني ..!!

نظر لها من اعلي لاسفل بإشمئزاز: حضري العشا الاول ...!!

@@@@@@@@

معالي الباشا ..!!

التفت رجلا وسيما طويلا يمتلك عينان من شدة زرقتهم لا يستطيع الناظر اليهم ان يحول بصره دون ان يتمتم ويمجد ربه علي خلقه لهذا الجمال المتجسد بتلك العيون المطلية بلون السماء الزرقاء الصافية ... في ربيع عمره الثالث ....

وابتسم وقال مرحبا : اهلااا حضرت المقدم وائل ... رجعت من الاجازه امتي ياراجل تعالي تعالي نتكلم في مكتبي ...!!!

@@@@@@@@@

ظلت أعين دينا موجهة علي الجثة وكأنها مثبتة بلاصق قوي .. لم تنطق ولم تتحرك حتي انك اذا رايتها ظننتها تمثالا من الشمع لا حياة به ولا روح

!!!...

ارتعبت هاله من هيئة دينا وظلت تحركها وتهزها من كتفيها صارخة : دينااااااا اتكلمي قولي أي حاجه صرخي حتي متسكتيش كدا ....!!!!!!

ظلت هاله تصرخ بها وتهزها حتي بح صوتها وتعبت .. تدارك الضابط موقفها وحاول مساعدتها ونقلوها مسرعين الي غرفة الطبيب وسط صراخ.

وعويل من والدتها وش*يقتها عندما رأوها تخرج بناقلة ...!!!

فحصها الطبيب وفحص تركيز عينيها واستجابتها وأمر الممرضة ان تعطيها حقنة مهدئ شديده المفعول ..!!

عندما خرج الطبيب ركضت اليه هاله بجنون وهي تبكي بكاء مرير وسالته عن حال دينا فاجاب بتوتر : صدمه عصبيه حاده للأسف لو كانت صرخت او اتكلمت او أدت أي رد فعل حتي لو بسيط كانت أسبوع بالكتير جدا وتبدا تهدي وتروق لكن الحاله دي لو مطلعتش منها هتفضل فيها فتره طويله وعلاجها هياخد وقت لازم تتحول ع قسم الامراض العصبيه والنفسيه ويتابعها دكتور مختص ......

شهقت هاله وعلي صوت نحيبها واحمرت عيناها حاول الضابط تهدئتها وقال : انا طبعا متفهم جدا لحالتكم بس افهم من كدا ان المجني عليه يكون هو خطيبها ؟؟؟!!!!

صرخت أمينه وساءت حالتها كثيرا كل من تواجد حولها لم يستطع ان يهدئ بركان حزنها فأسرع الطبيب اليها وأمر ان توضع بغرفة مع اخذ المهدئات اللازمة لكي تمر تلك الايام العصيبة علي خير ....!!!!

@@@@@@@@@

ايه اخبارك معاليك يا ياسين باشا ..؟!

ابتسم ياسين بود وهتف: الحمدلله يا باشا بخير ...

تشرب ايه ؟! "

*قهوه مظبوط

ضغط ياسين علي الجهاز بجانبه وقال: اتنين قهوه مظبوط ياعم محمد بعد اذنك ..!!

اشار وائل باصبعه قائلا: احسن حاجه بحبها فيك يا ياسين تواضعك مع الناس وخصوصا اللي اقل رتبه منك ...!!!

هز رأسه موافقا وقال: من تواضع لله رفعه يا باشا ..!!

قال وائل بتساؤل: الا قولي انت شغال علي قضايا ايه دلوقتي ..!!

حك ذقنه وقال بجدية: انت عارفني مش بضيع وقت انا قفلت كل القواضي اللي كانت في ايدي بس كلفوني بقضيه تانيه النهارده لان محمود رفعت اعتذر عنها ومن اول بكره انا اللي هبدأ التحقيق فيها ...!!!

ضيق مابين حاجبيه وهتف متسائلا: اعتذر ليه ؟!!

دخل الساعي بالقهوة بعد ان اخذ اذن الدخول فشكره ياسين بمحبة والتقط فنجانه وقال: المدام بتاعته هتولد ياسيدي ولازم يكون جمبها يقدم فروض الولاء والطاعه ..!! هو اللي استلم البلاغ و راح المستشفي و.....

قاطعه وائل: انت هتفضل لحد امتي رافض موضوع الجواز تاني ؟!!!!

نظر له بتماسك ثم اجاب بقوة ظاهرية فقط: خلينا في موضوع القضيه افضل ياوائل ......