لحن الكبرياء

الفصل الثالث

اللي ربنا يقدرني عليه يا امي هعمله ..!! اكيد هخليه يتجوزها رسمي وعلني وكأننا موافقين بيه قومي انتي بس جهزي نفسك عشان نخرج من هنا ونروح بيتنا ونتفاهم هناك ونرتب امورنا ...!!!

%%%%%%%%%%%%%%%

فتح باب منزله بعد عناء يوم شاق علي طريق سفر ياخذه منه ساعات سائقا بنفس راضية لكي يجلب لزوجته واطفاله ما يرضيهم ويسد احتياجاتهم ويجعلهم محمودين بين ذويهم

فدلف للداخل محملا بأكياس كثيرة تحتوي علي كل ما تشتهيه الأنفس فتوقف فجأة عندما استمع لهمهمات وضحكات خليعة تص*ر من غرفة نومه بالطبع هو يعرف صاحبة ذلك الصوت لكنه لم يتعرف علي الصوت الرجولي الذي يرافقها فركض الي المطبخ وجلب سكينا كبيرا ...شعرت زوجته بحركتها فصرخت بذعر وحاولت ان تهرب هيثم او تخبئه علي الاقل ولكن من ارتباكهما ظل يجول بالغرفة بهلع حتي اقتحم عليهم الزوج الغرفة فصرخت الزوجة برعب ...!!!!!

دخلت دعاء بعد الكلية في موعدها المعتاد الي الصيدلية فوقعت عينها علي آسر وهو يتحدث مع فتاة جميلة باندماج شديد لم تدري لما تسرب إليها ذلك الشعور بالغيظ فتقدمت اليهم وقالت بتساؤل:

السلام عليكم ... جديدة معانا هنا ولا ايه ..؟!!

اضطرب قلب آسر عندما رآها وسمع صوتها الرقيق فنظر إليها مطولا ثم اجابها: دكتوره فرح جايه تدريب معاكي يا دعاء وان شاء الله ربنا يقدرني وأدرب اكبر عدد ممكن ..!!

لوت شفتيها الي الامام وقالت بلامبالاة: امممم طب اوك استأذن انا اشوف شغلي لحد ما تخلصو ..!!

ثم تقدمت بعض الخطوات ثم عادت اليهم وقالت برسمية: سوري مرحبتش بيكي اهلا وسهلا دكتوره فرح ..!!

رفعت فرح حاجبها الايسر وقالت ببعض التكبر:

اهلاااا

شعر آسر ان ذلك البرود بينهم ما هو الا شرارة نيران حرب قريبة ...!!

بعد فترة من الحديث ذهب آسر لينعم قليلا بقربه منها فوجدها تجلس في ركن بعيد وحدها معطية ظهرها له فاقترب منها فوجدها تتحدث في الهاتف بحدة بعض الشئ: لا مزعلتش ياروعه خلاص فوكك بقا من الموضوع دا ..!!

هتفت روعه بعتاب: امال اول ما شوفتيني واقفه معاه جريتي من ادامنا وطول اليوم مش عارفه اتكلم معاكي خالص ..!؟

قلبت دعاء بملل وصاحت: انتي شايفه ان مش من حقي اتضايق لما الاقيكي واقفه مع اكتر واحد اذاني في الدنيا ؟!! سامحيني يعني دا سؤال غ*ي اوي ..!!!

ردت روعه بحزن: بقا كدا يادعاء هتفضلي لحد امتي متسرعه في حكمك عليا وعلي اي حد طب اسمعيني بس وبعدين احكمي ياستي ..!!

اجابتها دعاء بانفعال: مش حابه اسمع حاجه دلوقتي انا في الشغل واصلا مش حابه اسمع عن البني ادم دا حاجه ممكن ؟!

ردت روعه بنفاذ صبر: لا اله الا الله خلاص يا دعاء هقفل دلوقتي وهكلمك بكره لما نتقابل ف الكليه وهفهمك وهتسمعيني برضاكي غصب عنك هتسمعيني ؟؟!!

تن*دت بضيق واجابت: طيب سلام ..!!

ثم حدثت نفسها بصوت مسموع: ايوه انا مبقتش احبه وكمان مبقتش اكرهه بس دا مش يديها الحق تقف معاه ... مش غيره ومش حب بس غضب

!!!...

انتفضت واستدارت بجسدها عندما سمعت صوت آسر وهو يتقدم اليها ويقول: وليه غضب لما مفيش حب ومفيش غيره ؟!!

نهضت مستنفرة وقالت بحدة: انت واقف تتصنت عليا ؟!!

رد يعاتبها: لا عيب تقولي كدا يادعاء .. انا كنت جاي اشوفك فين فسمعتك بالصدفه

شوحت بيدها بوجهه وقالت: وجاي تشوفني ليه اصلا ..؟؟!

ارتبك وزاغ بصره ولم يستطع الرد ... انقذه مجئ فرح اليهم وهي تقول بتكبر: لالا مش صح خالص تكلمي مديرك كدا يا دكتوره دعاء. !.

رفعت دعاء حاجبها بتوعد وقالت: وانتي مال حضرتك يادكتوره فرح جايه تديني درس ف الاخلاق حضرتك ..!!؟؟

صرخ آسر بهم وقال: كل واحده علي شغلها انتو هتتخانقو ادامي ... اتفضلووووو

نظرت له دعاء بتعنت وتحركت من امامه تدب قدميها بالارض مثل الاطفال فكتم ضحكاته علي تلك الطفلة المدللة التي تسللت الي قلبه دون اذن او خبر ...!!

&&&&&&&&&&&&

نهضت هاله من مقعدها وتقدمت نحو عماد بسخط وقالت له بهدوء وهي تجز علي اسنانها: نتكلم بره لو سمحت ..!!

فذهبت به الي مكان خال من الموظفين وقالت بعنف: انت مالك انت اتكلم ولا متكلمش دي متخصكش انت فاهم ..؟!؟

نظر الي عينيها وقال بقسوة: يعني فهمتي علي طول انا قصدي علي ايه وبعدين انتي اتهبلتي ولا ايه مين دا اللي ماله انتي ناسيه ان انا ابقي .... ثم **ت فجأة ولم يستطع نطقها فضحكت باستهزاء وقالت: جوزي ....!!! لو عندك القدره تقولها قولها .... انت يا أستاذ ناسي ان مفيش حاجه تربطني بيك ناسي انك طردتني زي الكلبه من غير حتي حجاب علي شعري محاولتش تسمعني ولا تفهمني ولا تديني فرصه اقولك ان انا مظلومه ..!!

اغمض عينيه بألم وتلجم ل**نه بلجام الخجل

فاسترسلت في حديثها وقالت بقهر: ايه ساكت ليه ما ترد .. انت لسه مفكر نفسك تهمني لا انت اخر واحد في الدنيا دي ممكن يهمني ولو علي الموقف اللي اخدته ضد مختار ف دا كان عشان خاطر بناتي اللي انت حرمتني حتي اشوفهم ... ثم اشارت باصبعها في وجهه وقالت محذرة: لو ادخلت في حياتي تاني ساعتها انا مضمنش نفسي هقدر اتصرف معاك ازاي المره دي عدت عليخير ...!!

ثم تركته وذهبت الي مكتبها ظل ينظر اليها حتي اصبحت سراب بصدي صوتها الذي ظل يرن بأذنيه حتي بعد رحيلها وبركان الندم الثائر بداخله يكاد ان ينفجر ويفتت روحه الظالمة لتلك الزهرة الرقيقة ....

&&&&&&&&&&&&&&

مرت أيام قليلة وكل منهم منشغل بأمره حتي أصبح زفاف دينا وأيمن علي بعد ساعات قليلة من الوقت

انا متأسفة جدا يا جنه بكره مش هقدر اشوفكعندي فرح واحده صاحبتي ولازم ابقي معاها من اول اليوم ..!!

اجابتها جنه بلهفة: ياخساره انا اتعودت عليكي اوي,ياروعه بغض النظر عن اول يوم شوفتك فيه مكنتش طايقه حتي نفسي ومكنتش طايقه هشام انه هيجبرني اقعد معاكي يوميا وانا معرفكيش لكن انا دلوقتي حقيقي عايزه اشكره انه عرفني بيكي .... فهمتيني حاجات كتير اوي كانت تايهه وغايبه عني فوقتيني بجد ..!!

ابتسمت روعه بود وقالت: ايه الكلام دا كله انتي تستاهلي كل خير وانا فرحانه اوي انك اخيرا قررتي تتكلمي وتقوليلنا عن اسم زوجك الخفي

!!..

ابتلعت جنه غصتها وقالت بخجل: لولا ربنا ثملولاكي مكنتش طلعت من الضلال اللي انا فيه ولا كنت هتكلم كنت هضيع نفسي ...!!!

ربتت روعه علي يدها وقالت: ابدئي حياه جديده نقيه وانسي اللي فات كله ربنا ادالك صفحه بيضه امليها انتي بما يحبه ويرضاه ..... ودلوقتي ياحبيبتي بعد اذنك لازم اقوم اروح لصاحبتي العروسه واروح البيت بعدها علي طول ..... اه بالمناسبه انا عزماكي علي الفرح خلي هشام يجيبك وتعالي غيري جو ...!!!

هاتفت جنه هشام وقالت له ان روعه استاذنت للذهاب فأخبرها بقدومه فورا لكي يأخذها الي البيت ....!!!!

%%%%%%%%%%%

يابت افردي بوزك بقا ياساتر هتفضلي كدا لحد امتي ؟!

اجابتها دعاء بحدة: لحد ما تحكيلي ياروعه مخبيه عني ايه في موضوع هشام ؟!

تن*دت وردت: مانا قولتلك يادعاء بساعده في موضوع خاص مقدرش اقولك عليه بدون علمه كدا هبقي خاينه للامانه ..!!

عبس وجه دعاء اكثر فأكثر وهتفت: طيب براحتك يبقي انتي اللي عايزاني افضل زعلانه كدا علي طول ..... وخليكي فاكره كدا ان انا مش فاهمه حاجه وانا فاهمه كل حاجه وبشوفك قاعده مع البنت اللي بيجيبها كل يوم ويرجع ياخدها ....!!!! قهقهت روعه وقالت بمرح: والله انتي هبله دي اخته يا مجنووونه ..!!

جحظت عيناها وصاحت: اخته ؟!!!!!!

هزت رأسها بالموافقه واجابت : اه ياختي اخته والله وعندها مشكله كبيره جدا وبما انه شايف ان انا نوعا ما هعرف اقنعها انها تتراجع عن اللي بتعمله طلب مني اساعدها وافهمها ..... ارتحتي كدا ولا لسه عايزه تحقيقات زياده ياحضرت الظابط دعاء ..؟!!

رفعت رأسها لاعلي وقالت بطريقة طفولية: ربنا يخليكو لبعض ياختي .....!!!

ضحكت روعه وض*بتها علي وجنتها برفق وقالت: طفله ياناااس ياغتي عليها ...!!!! ثم اكملت حديثها بتساؤل: امال فين دينا ومامتك ؟!!

اجابتها بتهكم: انا عارفه يابنتي عروسة ايه دي اللي ناسيه نص حاجتها .. نزلو يشتروها وراجعين ..!! بس كويس عشان احقق معاكي براحتي قبل ما البيت يتملي ناس عشان الحنه

!!...

&&&&&&&&&&&&&

النهارده هتنفذي كل اللي قولتلك عليه والا هقدم الورقه اللي انتي ماضيه عليها علي بياض للنيابه وتقعدي عمرك كله ف السجن

نظرت له شذرا وقالت: انت ايه ياشيخ مفتري ليه كدا ..!!

رمش كثيرا وقال بسخرية: انتي لسه شوفتي افترا دا انتي تحمدي ربنا انها جت علي اد كدا دا انا هحرمك تبصي لراجل متجوز بعد كدا وتخربي بيته عشان شويه ملاليم ..!!

قاطعته مسرعة: اولا انا مض*بتكش علي ايدك انت اللي ماصدقت وبقيت تجري ورايا متضحكش علي نفسك ..!! ثانيا انا لو كنت فعلا عملت كدا عشان الفلوس مكنتش كملت معاك ..!!

قهقه كثيرا وقال: لا تصدقي اتأثرت اوي ... دا علي اساس انك مهدديتهوش اكتر من مره عشان مش راضي يد*كي الفلوس التي اتفق معاكي عليها يا رخيصه ... انهي جملته تلك وبصق بوجهها باهانة واكمل حديثه : واخرسي بقا مش عايز كتر كلام اللي قولته يتنفذ قوم غوري البسي وروحيله ومترجعيش الا بالورق اللي قولتلك عليه حطيله منوم في الاكل او سم اتصرفي ماليش فيه اهم حاجه الورق اللي يثبت تجاراته المشبوهه يبقي تحت ايدي النهارده مش بكره فاهمه ...!!!

@@@@@@@

انا ماشيه ياآسر وانت حاول متتأخرش عشان تقعد مع العريس وصحابه ...!!!

اجابها من وراء باب الحمام وهو يقول بصوت عال: حاضر هخلص شاور بس والبس واجيلك علي هناك مش هتأخر ..!!

فتحت باب منزلها وهي منهكمة في حمل اكياس اغراضها اللازمة للمبيت مع دينا تلك الليلة الهامة ففزعت وجحظت عيناها عندما وجدتها امامها فهتفت بفزع: انتي ايه اللي جابك هنا ...!! @@@@@@@@@

طرقت جنه باب غرفة هشام بتوتر وانتظرت حتي اتاها الرد بالدخول فدخلت في وجل وقالت بهدوء:

هشام ممكن اتكلم معاك شويه ..!!

اجابها بابتسامة هادئة: طبعا ياجنه تعالي ياحبيبتي

!!..

اندهشت من تلك الكلمة التي يناديها بها وتسائلت:

حبيبتك ..!!

اجابها معللا: ايوه حبيبتي طالما ربنا هداكي ورجعتي تصلي وتقري قرآن وبتسمعي لروعه وبتستفيدي وبتطلبي رضا امك وبتحاولي مبتيأسيش تبقي حبيبتي ياجنه ....!!

جلست ووضعت يدها علي وجهها وبكت بحرقة وقالت بصوت متقطع: انا ندمانه اوي ياهشام بس والله ربنا هداني ومبقتش بفكر في نفسي بأنانيه زي الاول كدا بس اللي مهديني شويه ان انا معملتش حاجه من الكبائر بس دا مش مبرر ليا انا آسفه سامحوني ...!!

اقترب منها وقبل رأسها وقال بحب: سامحك الله ياجنه حاولي بكل طريقه تراضي امك وت**بي عطفها عليكي اللي عملتيه مش هين وهيحتاج منك مجهود ...!!!

كفكفت دموعها وقالت: حاضر .. انا دلوقتي جايه عشان اقولك اسمه .. وانت حر في قرارك تخليه يطلقني او يتجوزني رسمي ادام كل الناس انا مش ه**رلك كلمه ومهما تقولي هعمل وانا مغمضه ...!!!

هتف بفرحة : ربنا يهد*كي ويغفرلك ... اسمه ايه بقا ؟!

توترت قليلا ثم صاحت بخوف: دكتور يوسف عبد العال ..!!

ض*ب علي رأسه بصدمة حين سمع اسمه الملوث وصاح: لا حول ولا قوة الا بالله ... دا سمعته وحشه اوي ... عقلك كان فين ياجنه فهميني ..؟!!

علي صوت نحيبها وقالت بصوت اشبه بالصراخ:

والله معرفش الشيطان كان مسيطر عليا اووووي اعمل ايه بس ..!!

ملس بيديه علي شعرها بحنو وقال: ارتاحي وانا هحل الموضوع قوومي صلي ياحبيبتي واستغفري كتير اوي ..!!

&&&&&&&&&&&&

&&&&&&&&&&&&&

ممكن ادخل ونتفاهم جوه ..!!

وبختها هاله وطردتها واغلقت بوجهها الباب فعادت لتدقه من جديد ففتحت هاله وصرخت بها:

غوري من هنا مش عايزه اشوفك وشك تاني لسه ايه عايزه تخربيه تاني ...!!!

اجابتها امل بتوسل :اسمعيني ياهاله احنا كلنا في خطر مختار لو عرف اللي عماد عايز يعمله هنروح كلنا في داهيه ..!!

نظرت لها بعمق وردت بحرص: وانا هصدق واحده زيك ازاي افرضي طلعت لعبه جديده من ال**بك واستني استني انتي عرفتي مختار منين اصلا ..!!

اجابتها بنفاذ صبر: خليني ادخل بس وهفهمك كل حاجه هنقف نتكلم كدا ادام اللي رايح واللي جاي

!!!...

انجزي انا مش فاضيه لرغيك دا كده قولي عايزه ايه واتفضلي مع السلامه ...!!

نظرت اليها امل بملل ثم قالت : بقولك ايه ياهاله انتي عارفه كويس اوي ان لولا المصلحه مكنتش جيتلك اصلا فبلاش طريقتك دي ..!!

عقدت هاله ذراعيها وقالت بغيظ وهي تهم باغلاق الباب بوجهها مرة اخري : طب امشي يلا من وشي مش عايزه اسمع منك حاجه ..!!

دفعت امل الباب بيدها وهي تقول بعصبية: لا هتسمعي مش بمزاجك لان كلنا في مركب واحده

!!..

ثم دلفت الي المنزل عنوة وهي تكمل حديثها: مش هنلف وندور علي بعض انا ومختار اللي كنا مخططين نخرجك من البيت يعني دخولي بيتك كان الهدف الاساسي منه انتي بس منكرش ان عماد عاجبني وبقيت ازود العيار عليكي طمعا فيه

!!!!....

ثارت هاله حتي احمر وجهها من الغضب وصرخت: اطلعي بررررررررره يا كلبه انتي مش عايزه اشوف خلقتك تاني ابدا والله لو ما مشيتي من ادامي لاموتك ...!!!