GANITO ba ang pakiramdam ng may boyfriend? Itong feeling na para kang lilipad sa sobrang tuwa.
“Ang gara naman ng outfit mo for today Ate Tin-tin. A-attend ka ng binyagan? Magnininang ka ba ngayon araw?” tanong ni Steph.
Hindi ko siya namalayan na pumasok sa loob ng kuwarto ko.
Busy kasi ako sa pag-aayos ng mukha at buhok ko. Kanina pa ako paulit-ulit na nagme-make-up tapos kapag hindi ako satisfied sa nagawa ko buburahin ko at gagawin ko ulit. Itong buhok ko para ng buhok ng bruha sa gulo kasi hindi ko alam kung paano ko aayusin.
Napatingin ako sa oras sa side table ko. Malapit nang mag-alas siyete ng gabi. May usapan kami ni Teofelo na may date kami ngayon gabi. As in formal date, to celebrate our newly and freshly start as officially couple.
Napangiti na naman ako, naalala ko
