HINDI nakadama ng kahit na anong pagod ang dalagang si Mirasol sa kaniyang paglalakbay hanggang siya’y nakarating sa San Andres. Malayo sa pakiramdam niya noong unang tumuntong kaniyang mga paa sa nayon na ito na hinang-hina na’t mayroon pang karamdaman. Ngayon masasabi niyang para lamang siyang namamahinga gayong araw din ang pinalipas niya sa paglalakad niya ng napakalayong milya marating lamang ang San Andres.
Habang siyang naglalakbay pabalik ng San Andres naiisip na niya ang kaniyang gagawin. Magbibigay siya ng gayuma sa binatang si Teofelo. Paiibigin niya ito, samantalang ang gagawin naman niya kay Angelina’y hahanapan ito ng binata na iibigin rin nito sa panghabang buhay.
Kaibigan pa rin ang turing ni Mirasol sa dalaga. Kung kaya’t hindi niya magawang magtanim ng sama ng loob sa
