ANG AGA ang ingay na agad ni mommy. Ang sakit sa ulo ang tinis pa naman ng boses ni mommy.
“Bumangon ka na d’yan. Tanghali na, iyong boyfriend mo nasa labas na.” Sabi ni mommy sakin.
Napamulat ako at napabalikwas ng bangon. Nasa labas si Teofelo?
Nagmamadali akong nag-ayos nang sarili ko. Pero nang maglalagay na ako ng lipstick bigla akong natigilan.
“Bakit nagpapaganda ako sa freak na iyon?” nakasimangot na ginulo ko ang buhok ko.
Naiinis ako sa sarili ko, sabi ko hindi ako dapat mahulog sa lalaking iyon. Pero ano itong ginagawa ko, hindi ko lang siya nakita ng ilang araw nagkakaganito na ako.
“Tin-tin,” sigaw ni mama.
Pinakatitigan ko muna ang sarili ko sa salamin. Hindi na ba ako mag-aayos o mag-aayos ako.
“Ano ba Tin-tin? Ginising na kita at lahat hanggang ngayon hin
