KULANG ang salitang nagulat ako sa naging reaksiyon ko habang nakikita ko si Teofelo pababa ng sasakyan niya.
Gabi na kami nagkahiwalay kagabi, pero heto at ang aga niyang nasa labas na ng apartment namin. Bihis na bihis at mukhang model na naman habang naglalakad papunta sa pintuan ng apartment namin.
Nakita ko lang siya nang hindi inaasahan? Hindi ako sigurado sa sinabi ko, kasi sanay na akong dumungaw sa bintana kapag umaga. Na kapag nakadungaw na ako makikita ko na si Teofelo na paparating. At iyon nga ang nangyari ngayong umaga.
Nakatitig ako sa kaniya habang naglalakad siya nang tumunog ang cellphone ko. Unknown number, pero kilala ko na kung sino ang tumatawag nang ganitong kaaga. Ang Tatay ni Teofelo lang naman.
“Magandang umaga Hija,” bati ng Ama ni Teofelo s
