BAKIT KUNG kailan naman pauwi ako ng probinsiya saka naman ako tinamaan ng kamalasan?
Kanina lang paglabas na paglabas ko palang ng bahay, ilang beses akong nagpabalik-balik dahil ang dami kong nakalimutan. Nang nakalabas na ako ng Manila at nasa NLEX na ako maaalala ko na kailangan ko nga palang dumaan sa opisina. Kabilin-bilinan pa naman ng secretary ko na dumaan ako dahil kailangan Kong pirmahan ang payroll ng mga tauhan namin.
Kaya napabalik na naman ako, tapos nawalan ako ng gasulina ng nasa NLEX na naman ako. Ang tagal pa bago ako nakahingi ng tulong. Ngayon naman nabutasan pa yata ako ng gulong.
Bigla kasing pakiramdam ko bumigat ang takbo. Kahit apakan ko ang accelerator ng sasakyan ang bagal pa din ng takbo ko. Feeling ko pa nga nakasakay ako ng kabayo.
"Ikaw na naman ang
