Pagbalik namin ni Lucho ng rest house ay ako na ang nagpresintang magluto ng hapunan naming dalawa kahit na hindi naman ako ganun kagaling magluto. Wala na akong sasayangin pang oras upang ipakita at iparamdam kay Lucho ang pagmamahal ko para sa kanya.
Habang abala ako rito sa kusina ay nasa sala naman si Lucho nanunuod ng palabas sa TV, balak ko pa sana siyang tanungin sa gusto nitong ulamin ang kaso baka kapag nag request siya ay hindi ko naman kayang lutuin kaya huwag na lang. Sasarapan ko na lang ang lulutuin ko para magustuhan naman niya.
Sinigang na salmon ang niluto ko dahil iyon lang ang tanging isda na narito sa ref nagsaing na rin ako at dinamihan ko na rin baka kasi mapalakas na naman ang kain naming dalawa.
Pagkatapos kong magluto ay inayos ko na rin ang mesa at hinain ko n
