Chapter 13
“KANINA KA PA ba nandito, Ivo? Pasensya ka na kung ngayon lang kami. Marami kasi kaming pinamili nitong si Euna,” wika ng mama ni Euna habang inaabot sa asawa ang mga eco bag na pinaglalagyan ng mga nabili nila. Nilalagay ang mga iyon sa compartment ng sasakyan.
“Ayos lang po,” ani Ivo na lumipad ang tingin sa kanya.
“Ang gwapo mo lalo sa gupit mo, ah!” bati pa ng mama nya rito.
Tila nahihiya naman itong napayuko saka nag-iwas ng tingin. Kahit hindi nito sabihin, alam nyang nahihiya ito dahil sa peklat na mayroon ito sa mukha.
“Halika na at nang makauwi na tayo agad. Dumarami na ang mga tao at baka tayo mahirapan makalabas ng parking area,” wika ng ama ni Euna kaya kaagad silang tumalima.
Huli na ng mapagtanto ng mama nya na ito pala ang napaupo sa tabi ng driver. Nagkat
