ALAM NI EUNA na baka hindi agad pumayag ang mag-asawang Diaz sa magiging desisyon nya ngunit wala na syang magagawa. Ayaw na nya maging private nurse ni Ivo. Ayaw nyang isipin ng binata na dahil lang sa pera kaya nya tinanggap ang trabaho.
"Anak, baka naman pwede mo pang pagtyagaan si Ivo?" tanong ng kanyang ina.
Kasalukuyan silang nasa library ng mansyon kasama ang kanyang magulang at magulang ni Ivo.
Yumuko sya. Kinagat nya ang pang-ibabang labi. "Pasensya na po. Mas mabuti na rin kasi yatang iba na lang ang maging nurse ni Ivo."
Wala syang balak na sabihin sa mga ito ang pinakadahilan kung bakit sya nag-reresign. Ang sabi lang nya, hindi nya kaya ang ugali nito na alam nyang mababaw.
"May mga kakilala po ako na pwedeng maging nurse nya. Huwag kayo mag-alala. Tutulungan ko po kayo
