Juancho’s pov
NAKAMASID lamang ako kay Pinuno habang pinapagalitan nito ang mga kasama ko dahil hindi pa rin nakikita ang mga bihag. Kulang na lang ay galugarin ang kabundukan pero bigo ang mga ito. Kahit anino ni Gean at Xavier ay hindi makita ng mga ito.
“Sandamakmak kayong inutil! Alam niyo ba kung ilang milyon ang nasayang dahil sa kapabayaan ninyo?” sigaw pa nito. Lumalabas na ang ugat sa labis na galit. Ang mga kasamahan ko ay nakayuko lamang. Walang gustong sumagot. “Ano na lamang ang sasabihin ko sa protektor natin? Mabuti kung kayo ang nakikipag-usap! Paano pa tayo makakakuha ng pera at armas kung maliit na bagay na pinagagawa niya ay hindi natin magawa?” bulalas pa nito.
Hanggang ngayon ay hindi ko alam kung sino ang protektor na tinutukoy nito dahil tikom ang bibig nito. Noo
