Isang buwan ang nakalipas..
“May bagong lipat na pala diyan sa bahay nila Mang Gusting, 'Nay.” Kuwento ni Boknoy.
Lumipat na kasi ng ibang lugar ang pamilya ni Mang Gusting kaya pinaupahan na lang ang bahay. Nagtataka nga sila sa biglaang paglipat ng mga ito.
“Mabuti naman kung gan'on.” sagot ng ina ni Diana.
Wala na siya gaanong balita sa kaniyang paligid dahil hindi na siya madalas tumatambay sa labas simula noong bumalik siya dito sa Guadalupe. Kahit anong yaya sa kaniya ng dalawang kaibigan ay tumatanggi na si Diana. Dahil paano siya mamamasyal sa paligid kung ang bawat nakikita niya ay mukha ni Elijah?
Ang tanga lang niya na patuloy na umaasang pupuntahan siya dito ng binata. At ang nakakainis pa ay lalo niyang napagtantong mahal na nga niya ito-sa kabila ng nangyari sa kanila
