Nagising ako sa umaga na walang naririnig na mga boses. Nakasanayan ko nang umaga pa lang ay yung pagbubunganga ni Sky ang gumigising sakin o kaya yung ingay ng magpipinsan lalo na si V at si Jame Brancen. Nakakapanibago ang katahimikan ng buong bahay. Baka naman tulog pa silang lahat. Malabo.
Pumunta ako sa kusina at nadatnan ang isang Delafuente na umiinom ng hotchocolate. Sandali akong napahinto. Hindi ko alam kung ipagpapatuloy ko ang pagpasok sa loob o tatalikod nalang.
Nag-angat siya ng tingin sakin kaya pasimple akong humakbang papalapit sa ref. Binuksan ko iyon at inilabas ang freshmilk. Should I talk to him? Mag good morning kaya ako? Damn you Julie! Binalewala ka nga niya kagabi. What for. Tss
"Umalis silang lahat." sabi niya habang inilalapag ang mug na hawak niya.
