“Suot ang black leather jeans at white long sleeve polo na lumabas ako ng kwarto. Pagdating sa salas ay isinuot ko na ang aking black boots na may one inches na takong. Hinayaan ko na nakalugay ang mahaba kong buhok dahil basa pa ito. Wala na kasi akong time na magblower ng buhok dahil natanghalian ako ng gising. Hindi na naman kasi ako nakatulog kagabi at halos madaling araw na bago ko pa naramdaman ang epekto ng gamot.
Pagkatapos kong ilagay ang aking bag sa compartment ng motor ay saka pa lang ako sumakay. Isinuot ko muna ang helmet sa ulo ko bago pinagana ang makina ng motor. Saglit akong natigilan ng magring ang cellphone ko mula sa bulsa ng suot kong pantalon. Dinukot ko ito at kaagad na sinagot ang tawag.
“Yes, Tim?” Ani ko habang nakahawak ang isang kamay ko sa kanang hita ko.
